Ouvir RAFA Ritmo, Voz e Coração de Timor
Díli, 09 Outobru 2026 (RAFA) – Ministériu Juventude Desportu, Arte no Kultura (MJDAK), liu husi Diresaun Nasional Asosiativizmu Juventude (DNAJ) ho Alumi Parlamentu Foin-Sa’e (APFTL) hala’o rekrutamentu foun ba membru Parlamentu Foin-Sa’e Períodu 2027-2029.
Parlamentu Foin-Sa’e hanesan programa importante nonu Governu atu promove, dezenvolve juventude iha Timor-Leste.
“Programa boot ida hanaran dezenvolvimentu joventude. Ne’e duni, Parlamentu foin sae ne’e hanesan espasu ida ne’ebe governu kria, tanba konsidera hanesan aset ida importante tebes ba nasaun nia futuru,” Diretór DNAJ, Florindo Napoleão do Santos, informa ba jornalista sira iha Díli, Sesta-ne’e.
Nia dehan antes tama ba elisaun, delegasaun MJDAK sei halo uluk deseminasaun ba sosiadade no juventude sira iha postu administrativu sira. Tanba ne’e, iha loron 12 to’o loron 17 fulan-Outubru-ne’e, sei desloka funsionáriu sira iha MJDAK ba munisípiu 12 inklui Rejiaun Administrativa Espesiál Oé-Cusse Ambeno (RAEOA.)
Koordenadór Programa Parlamentu Foin-Sa’e, Olivio Almeida Araújo, reiteira katak iha prosesu rekrutamentu ne’e, kada postu administrativu sei hili reprezentante feto ida no mane ida, no kandidatu tenke kumpre rekizitu sira hanesan tenke sidadaun Timor-Leste, kondisoens elizivilidade idade 12 to’o 17, tenke iha billeti identidade.
Karik laiha bele uza sertidaun RDTL, karik sertidaun RDTL seidauk iha, bele uza sertidaun Batismu, no ba sira la’ós relijaun Katóliku nafatin fó dalan bele uza dokumentu legal relijaun nia hodi bele submete mós.
Rekizitu seluk mak kandidatu sira tenke hela iha postu administrativu ne’ebé sira reprezenta. Aléinde ne’e, kandidatu sira tenke aprezenta dokumentu identifikasaun husi inan-aman, hanesan sertidaun RDTL.
Rekizitu ikus mak kandidatu sira labele kaer kargu polítiku no tenke aprezenta deklarasaun husi suku hanesan parte husi rekizitu kandidatura.
Prosesu rejistu ba kandidatu sei hahú iha loron 12 fulan-Outubru no taka iha loron 6 fulan-Novembru 2026.
Total orsamentu ne’ebé Governu aloka atu apoia programa ne’e hamutuk US$140.070.
Jornalista : Marito da Costa
Written by: RafaFM
MJDAC ho APFTL Rekruta Membru Parlamentu Foin-Sa’e
todayNovember 20, 2026 13 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt