Ouvir RAFA Ritmo, Voz e Coração de Timor
EStudante IOB na'in-29 hasoru malu ho PR José Ramos-Horta molok ba hala'o sira-nia estudu iha Portugál.
Díli, 09 Outubru 2026 (RAFA)- Estudante Timor-oan na’in-29 husi Institute of Business (IOB) hasoru malu ho Prezidente Repúblika, José Ramos-Horta, hodi rona lia-menon molok viajen ba Portugál hodi kontinua sira nia estudu iha Institutu Politékniku Bragança, no Ensinu Sekundáriu Tékniku Vokasionál.
“Ami estudante na’in-29 hasoru ita-nia Prezidente Repúblika, hanesan aman nasaun no avó, atu despede no husu mós nia lia menon sira ba estudante sira tanba sira atu ba Portugál. Sira na’in 29 ne’e halo parte grupu ida ne’ebé sei ba eskola rua, sira na’in 21 sei ba universidade Institutu Poletekniku Braganza, na’in-ualu sei ba Sekundáriu Tékniku Viaksionál,” informa Reitór IOB, Pedro Barreto Ximenes ba jornalista sira hafoin enkontru ho Prezidente Repúblika iha Palásiu Prezidensiál, Sesta-ne’e.
Reitór IOB ne´e hatutan programa bolsa ne’e IOB hala’o desde kedas 2017 to’o agora ho totál benefisiáriu besik 300 no kooperasaun ne’e entre instituisaun ho instituisaun no hetan kedas apoiu husi governu rua, tantu Governu Timor no mós Governu Portugál.
Husi totál estudante 300 ne’ebé IOB haruka desde 2017 ne’e maiória ba eskola Tékniku Viaksionál no 40% mak ba iha Ensinu Superiór Institutu Poletekniku Braganza. Tanba ne’e, sira atu ba eskola depende sira ba Ensinu Tékniku Viaksionál ne’e tinan tolu, sira ba Ensinu Sekundáriu Superiór Viaksionál ne’e balun tinan rua, balun tinan tolu, balun to’o tinan haat.
“Lia menon husi Prezidente Repúblika, José Ramos Horta ba estudante sira simples de’it, primeiru estuda, estuda, no estuda, saida de’it mak halo tenkeser hanoin katak, ba iha Portugál objetivu atu estuda,” Reitor IOB ne’e haktuir.
Xefe Estadu informa mós ba estudante sira katak Portugál ne’e país ida ne’ebé avansadu ho kualidade edukasaun ne’ebé hanesan kuaze Eropa tomak, ne’e duni di’ak tebe-tebes estudante sira ne’e ba.
Prezidente Repúblika mós luova inisitiva ne’ebé IOB halo hodi fasilita estudante sira ba. Nia mós hatete, labele foti razaun lian portugeza ne’e difisil, balun la hatene lian Portugeza dehan fali lian mak difisil. Maibé enkuantu Timor-oan sira barak iha Xina, Vietname, ba iha Korea bele hatene ema nia lian, ne’eduni labele iha deskulpa hodi mai fali dehan lian Portugés mak difisil.
Iha fatin hanesan, Estudante Glória Patricia Freitas da Silva haktuir nia sentimentu orgullu bele hetan oportunidade hodi hala’o estudu iha Portugál.
“Sentimentu orgullu tebes tanba bele hetan oportunidade ida ne’e,” hatete Estudante, Glória Patricia Freitas da Silva.
Sorin seluk, Estudante Jonas Barreto Lopes hatutan, lia menon husi Prezidente Repúblika ne’e sira sei tane metin lori ba to’o iha Portugál hodi hala’o sira nia estudu.
Jornalista: Cristina Ximenes
Written by: RafaFM
Estudante IOB Na’in-29 Hasoru Prezidente Repúblika Molok Ba Estuda iha Portugál
todayNovember 20, 2026 13 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt