Ouvir RAFA Ritmo, Voz e Coração de Timor
Díli, 09 Outubru 2026 (RAFA)- Prezidente Repúblika, José Ramos-Horta hatete implemntasaun impostu valór akresentadu (IVA) kompeténsia Governu nian hodi hamenus dependénsia ba fundu mina-rai liu husi habelar no aumenta reseita doméstika, no halo reforma fiskál.
“Governu eleitu mak halo programa, deside atu hasa’e no hatun impostu ne’e governu nia kompeténsia. Se buat hotu-hotu komenta Primeiru-Ministru bele hatete entaun ita boot mak bele ba Primeiru-Ministru ba. Agora, se buat ne’e viola konstitusional karik ha’u bele haré. Ha’u promulga la signifika ha’u konkorda buat balun ha’u promulga ha’u la konkorda, tanba ne’e kompeténsia governu nian,” Prezidente Repúblika, José Ramos-Horta informa ba jornalista sira iha Díli, Kinta-ne’e.
Xefe Estadu esplika, mezmu politikamente atravesa situasaun mundiál, krize ekonómika mundu tomak enfrenta, halo ekonómia Timor mós nakadoko, maibé hein katak Governu sei jere ho másimu situasaun real sira iha Timor-Leste hodi kontribui ba dezenvolvimentu nasionál.
“Ita labele aumenta nune’e deit, situasaun difisil, ita aumenta fali taxa, ne’e mak ha’u la konkorda, maibé ne’e governu nia desizaun, buat ne’e la’ós iha dimensaun konstituisional, la viola konstituisaun, ne’e governu nia kompeténsia,” Xefe Estadu hateten.
Nia husu Governu atu tetu iha implementasaun IVA ba tempu badak liga ho situasaun funu Ukránia, Iraun, Gaza ne’ebé rezulta folin transporte todan loos, di’ak liu hein lai, tinan ida, rua ekonómia mundiál rekupera, folin tun bele haree to’ok hasa’e impostu no husu mos ba Governu atu iha Tinan ida-ne´e favor labele hasa’e taxa oi-oin, tamba balun aumenta maka’as loos.
Jornalista: Cristina Ximenes
Written by: RafaFM
Implementasaun Impostu Valór Akresentadu Kompeténsia Governu
todayNovember 20, 2026 14 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt