Ouvir RAFA Ritmo, Voz e Coração de Timor
KSTL organiza marsa ho traballadór sira hodi selebra loron mundiál traballadór ka May Day, 01 Maiu 2026.
Díli, 08 Outubru 2026 (RAFA) – Konfederasaun Sindikatu Timor-Leste (KSTL) sei organiza protestu hasoru Ministériu Koordenadór Asuntu Ekonomiku (MCAE) tanba la aprezenta proposta Dekretu-Lei kona-bá saláriu mínimu ba Konsellu Ministru.
Iha koferensia imprensa, Kuarta ne’e, Portavoz KSTL, Frazão Quintas, ezije Governu atu aselera prosesu proposta dekretu-lei saláriu mínimu nasionál, atu bele aprezenta lalais ba Konsellu Ministru ho karater urjénsia.
KSTL husu ba governu atu hapara ona halo politizasaun opresaun no pratika hotu ne’ebé halo presaun ba saláriu traballadór sira nian, liu-liu ko’alia kona-bá presaun ba salariu minimu nasional.
“Iha loron mundial ba traballu dignu tinan 2026, ami hato’o ezizensia ba parte hotu atu hamriik hamutuk hodi hari’i sistema laboral ne’ebe justu, inkluzivu no sustentavel,” Frazão Quintas hateten.
KSTL mós hakarak hato’o ba publiku katak KSTL sei organiza protesta hasoru MCAE kona-bá problema pendente proposta Dekretu-Lei Salariu Minimu ne’ebe antes ne’e hato’o ba MCAE iha fulan-Abríl tinan 2026.
KSTL konsidera proposta saláriu mínimu ne’e sai husi prosesu diálogu sosiál entre Governu, empregadór no traballadór iha Konsellu Nasionál Traballu, ne’ebé tuir KSTL iha ona konsensu no deliberasaun.
KSTL mos ezije Governu atu hala’o polítika salarial ne’ebé konsidera kustu moris, kapasidade kompra, nesesidade família traballadór, produtividade no situasaun ekonomia nasionál.
“Saláriu mínimu konsidera nu’udar protesaun husi Governu ba traballadór sira ho rendimentu ki’ik,” afirma Portavoz KSTL.
KSTL apela ba empregadór sira atu fó pagamentu ne’ebé justu ba traballadór, garante traballadór sira rejista iha sistema seguransa sosiál no kria ambiente servisu ne’ebé seguru.
KSTL mos propoin ba Governu atu hametin fiskalizasaun ba kumprimentu lei no padraun laboral iha Timor-Leste, hametin diálogu sosiál tripartida, kria empregu produtivu no promove traballu dignu.
Jornalista: Remigia Locatelli
Written by: RafaFM
KSTL Sei Organiza Protestu Hasoru MCAE Kona-bá Saláriu Mínimu
todayNovember 20, 2026 13 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt