Ouvir RAFA Ritmo, Voz e Coração de Timor
Díli, 07 Outubru 2026 (RAFA)- Diretór Ezekutivu Timor-Leste Coalition for Education (TLCE), José Monteiro, konsidera transferénsia jestaun merenda eskolar ba Ministériu Administrasaun Estatal (MAE) hanesan desizaun ne’ebé sala (la loos), tanba tuir nia, programa ne’e diretamente relasióna ho saúde, nutrisaun no prosesu aprendizajen estudante sira la’ós kona-ba administrasaun.
Diretór Ezekutivu TLCE, José Monteiro ba RAFA , Kuarta-ne’e hatete, se merenda eskolar laiha kualidade ka produtu ne’ebé fó ba estudante la tuir padraun, públiku labele hakfodak tanba responsabilidade no sistema jestaun ne’ebé Governu utiliza hodi fó ba MAE sei afeta rezultadu programa.
“Ha’u hatene katak, merenda eskolar bainhira muda ona ba Minsiteriu Administrasaun Estatál ne’e sala tiha ona. Lalika hakfodak bainhira merenda eskolar kualidade ladi’ak, produtu ladi’ak, sala tiha ona, nusa ba ne’ebá,” hatete Diretór Ezekutivu TLCE, José Monteiro.
Nia esplika, Ministériu Administrasaun Estatal nia responsabilidade prinsipal mak harii no jere sistema administrasaun públika ne’ebé efisiente, efikas no produtivu. La’ós kona-bá aspetu nutrisaun no saúde estudante sira.
Iha merenda eskolar presiza konsidera kondisaun saúde no nutrisaun labarik sira, inklui monitoriza pezu, altura no kondisaun má-nutrisaun, atu bele determina nesesidade nutritiva estudante ida-idak.
Nia konsidera, se merenda eskolar haré de’it hanesan projetu no fahe osan, bele lakon objetivu prinsipál atu kombate má-nutrisaun no fó forsa ba estudante sira atu aprende. Tanba ne’e, la’ós objetivu atu rezolve problema má-nutrisaun ka ajuda fó forsa no saúde di’ak ba estudante sira atu kontinua aprende sala de aula.
Nia haktuir uluk iha Minsiteriu Edukasaun ne’e mós bele la’o ho di’ak tanba ho apoiu Minsiteriu Saúde nian, rua ne’e pelumenus iha relasaun. Tamba iha merenda eskolar estudante mak han, entaun Ministériu Edukasaun iha relasaun uitoan. Ko’alia kona-bá nutrisasun saúde mak hatene ida ne’e, ne’ebé sira na’in rua pelumenus iha relasaun atu halo servisu.
“Agora ba fila fali Minsiteriu Administrasaun Estatál ne’e relasaun saida ho estudante, relasaun saida ho saúde. Nia urus tiha fali saúde ho edukasaun nia servisu administrasaun públika se mak haree fila fali ida ne’e, ne’ebé ransferensia servisu ne’ebé la loos,” nia preokuapa.
Fó hanoin fali katak, hahú tinan 2026, jestaun no implementasaun Programa Merenda Eskolar iha Timor-Leste hetan mudansa, husi ekipa jestaun programa ba eskola sira rasik, ho autoridade munisípiu liu husi Ministériu Administrasaun Estatal no Ministériu Edukasaun fasilita monitorizasaun.
Jornalista: Cristina Ximenes
Written by: RafaFM
TLCE Konsidera Transferénsia Merenda Eskolar Ba MAE “Desizaun Laloos”
todayNovember 20, 2026 14 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt