Ouvir RAFA Ritmo, Voz e Coração de Timor
Díli, 07 Outubru 2026 (RAFA)- Ministru Interiór Francisco da Costa Guterres, informa Governu estabelese ona sentru integradu hodi hala’o operasaun ba kombate atividade ilísitu sira hanesan scam call centre no mós krimé transnasionál sira seluk ne´ebé lori amiasa ba estabilidade iha país ne´e.
“Ami kria tiha ona sentru integradu foin lalais liuhusi rezolusaun Governu,” hatete Ministru Interiór Francisco da Costa Guterres ba jornalista sira iha Palásiu Governu, Kuarta-ne’e.
Governante ne’e afirma, Sentru Integradu ne’e Ministériu Públiku iha laran nune’e fó opiniaun kona-bá oinsá atu halo atuasaun.
Sentru ne’e lidera direta husi Primeiru-Ministru, membru sira mak ministru relevante sira. Iha kraik mak Sentru Ezekutivu ne’ebé lidera husi Servisu Nasionál Intelijénsia Estrátejika (SNIE).
“Ne’e lidera husi sua exselensia Primeiru Ministru, ami na’in hira ne’e hanesan membru, ne’e komisaun ida no depois iha kraik ne’e mak sentru ezekutivu ne’e mak lidera husi SNIE ho tan sira balun tan,” Ministru Interiór informa.
Ministru Francisco da Costa Guterres subliña, sira servisu di’ak ho Ministériu Públiku hodi fó orientasaun ba polísia sira no fó hanoin ba sentru, nune’e hala’o atividade bazeia ba normas ne’ebé eziste, ne’ebé agora operasaun la’o hela.
Governante ne’e hatutan, nia seidauk simu relatóriu husi Sentru Integradu, maibé kuandu hato’o ona, nia sei relata.
Antes Fundasaun Mahein husu Governu kria mekanizmu atu harii Komandu Konjunta hodi hala’o operasaun kombate atividade ilísitu scam call centre, nune’e evita intervensaun polítika no sobre pzoisaun ba malu entre entidade relevante sira.
Jornalista: Juvinal Cabral/João Carlos
Written by: RafaFM
Governu Estabelese Ona Sentru Integradu Ba Kombate Scam Call Centre iha Timor-Leste
todayNovember 20, 2026 14 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt