Ouvir RAFA Ritmo, Voz e Coração de Timor
Díli, 07 Outubru 2026 (RAFA) — Eis-Prezidente Repúblika Timor-Leste no Prezidente partidu FRETILIN, Saudozu Francisco Guterres “Lú-Olo” sei hetan onra póstumu ho Prémiu Exelénsia Luzófona 2026, iha serimónia ne’ebé marka ba loron 10 fulan-Uutubru-ne’e, iha Casino do Estoril, Portugál.
Homenajen ne’e sei hala’o durante Gala Prémiu Luzofonia, ne’ebé organiza hosi Asosiasaun Internasionál Komunidade Lian Portugés (CLPI, sigla portugés), ne´ebé parseria ho Konsellu Sidade Cascais no Komunidade País Lian Portugés (CPLP).
Serimónia ho tema “O universo da língua portuguesa e da lusofonia tem a dimensão do sonho e todos os grandes sonhos são inesgotáveis.”
Tuir organizasaun ne’e, Lú-Olo simu notísia katak nia sei hetan Prémiu Exelénsia Luzófona 2026 “ho ksolok boot tebe-tebes”, no preparasaun sira halo tiha ona atu nia bele marka prezensa iha Cassino do Estoril hodi simu rasik prémiu ne’e. Maibé, la realiza ida ne’e, tanba eis-prezidente Lú-Olo hakotu iis iha Malázia iha Loron 21 fulan-juñu 2026. Maibé, homenajen ne’e, nia espoza Cidália Lopes Nobre Mouzinho Guterres, mak sei simu prémiu hodi reprezenta Falesidu ex-Prezidente.
Francisco Guterres moris iha Ossú, iha munisípiu Viqueque, iha loron 7 fulan-setembru tinan 1954. Nia tama eskola primária iha Eskola Santa Teresinha, no depois nia estuda iha Dili entre tinan 1969 no 1973. Nia remata nia lisensiatura iha Direitu. Hafoin FRETILIN harii tiha, nia hahú defende independénsia Timor-Leste nian.
Durante okupasaun Indonézia, nia tama iha luta rezisténsia armada no uza naran funu Lú-Olo.
Tuir biografia ne’ebé organizadór homenajen nian sira publika, Lú-Olo fila fali ba moris sivíl iha tinan 2000, hafoin referendu loron 30 fulan-agostu 1999. Iha tinan tuir mai, hanesan Prezidente FRETILIN nian, nia lidera partidu ne’e iha eleisaun loron 30 fulan-agostu tinan 2001.
Iha períodu ne’e, Konstituisaun Repúblika Demokrátika Timor-Leste nian hetan aprovasaun, no to’o ohin loron Konstituisaun ne’e sei vigora hela.
Hanesan Prezidente Parlamentu Nasionál nian, iha meia hora de 20 fulan-maiu tinan 2002, Lú-Olo halo Deklarasaun Restaurasaun Independénsia RDTL nian, no fó posse ba Xanana Gusmão hanesan Prezidente Repúblika.
Iha loron 20 fulan-marsu tinan 2017, nia hetan eleisaun hanesan Presidente Repúblika, kargu ne’ebé nia kaer to’o tinan 2022.
Iha nia karreira tomak, nia simu Colar da Ordem de Timor-Leste e o Grande-Colar da Ordem do Infante D. Henrique, de Portugal.
Jornalista: Miguel Caldas
Written by: RafaFM
Saudozu Lú-Olo Sei Hetan Onra Póstumu ho Prémiu Exelénsia Luzófona 2026 iha Portugal
todayNovember 20, 2026 14 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt