Ouvir RAFA Ritmo, Voz e Coração de Timor
DSIK detein sidadaun estranjeiru na'in-hitu iha Fatuhada, Díli, deskofia envolve iha rede scam call centre, Segunda-kalan, 03 Agostu 2026.
Díli, 06 Outubru 2026, (RAFA)- Membru Opozisaun Parlamentar, liu husi Bankada FRETILIN no KHUNTO prefere konsensu nasionál entre lider polítiku sira atu kombate jogu Ilísitu scam call centre no krime transnasionál iha Timor-Leste.
Membru Parlamentu Nasionál husi Bankada FRETILIN, Joaquim dos Santos Boroluli ba RAFA iha Parlamentu Nasionál, Tersa-ne’e, hatete atu kombate atividade ilísitu sira presiza kombate konspirasaun entre politiká sira ho mafia sira, nune’e bele kombate kazu scam call centre iha Timor-Leste.
“Ne’ebé ha’u hanoin tenke iha órgaun indepedente ida husu halo investigasaun ba kauza sira ne’ebé relasiona ho krimé transnasionál, nune’e bele fó garantia ba ita nia kualidade no serteza juridiká. Ha’u hanoin tenke iha konsensu nasionál ida mak foin bele deside, bele husu investigasaun indepedente ida internasionálmente,” Deputadu Joaquim dos Santos Boraluli hateten.
Tuir Deputadu Joaquim dos Santos nia haré nasaun sira ne’ebé infrenta krime transnasionál sempre iha entidade indepedente ne’ebé bele halo investigasaun. Tanba tuir nia, atu rezolve kazu scam call centre iha Timor-Leste la’ós ba desmantela de’it autór sira maibé presiza kaer autór prisnipál sira mak foin bele hakotu kazu scam call centre iha rai laran.
Fatin hanesan, Xefe Bankada KHUNTO, António Verdial de Sousa hatutan, hanesan reprezentante povu preokupa ho atividade ilísitu scam call centre tanba ne´e presiza kombate.
“Asuntu ida-ne’e administrativamente la’o hela, operasionálmente investigasaun la’o hela, ita fó fiar ba órgaun ezekutivu liuliu área judisiál nian, atu nune’e sira bele uza sira nia direitu no devér tomak hodi hala’o servisu ho loos,” hatete Deputadu António Verdial de Sousa.
nia argumenta, la presiza iha entidade independente atu halo investigasaun ba kazu scam call centre, tanba tuir nia haré katak Polísia Sientífiku Investigasaun Kriminál (PCIC) no Diresaun Servisu Investigasaun Kriminál (DSIK-PNTL) sufisiénte ona hodi bele halo investigasaun no kombate kazu scam call centre iha Timor-Leste.
Jornalista : Zita Menezes
Written by: RafaFM
Opozisaun Prefere Konsensu Nasionál Ba Kombate Scam Call Centre Iha Timor-Leste
todayNovember 20, 2026 14 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt