Ouvir RAFA Ritmo, Voz e Coração de Timor
Arguidu sira ba kazu scam call centre iha Sola Otél iha área Au-hun, Becora, Díli partisipa iha julgamentu interogatóriu iha TJPID, Tersa 6 Outubru 2026.
Díli, 06 Outubru 2026 (RAFA) – Tribunál Judisiál Primeira Instánsia Díli (TJPID), liu husi Juíz Yudi Pamukas, halo letura ba akordaun no hatún despaisu hodi aplika médida koasaun Termu Identidade Rezidénsia (TIR) no kausaun US$3.000,00 bá arguidu sira kazu scam call centre iha Sola Otél, área Au-hun, Becora.
Durante Audénsia Julgamentu Primeira interogátoriu loron tolu tuituir malu, Domingu Segunda ho Tersa-ne’e Juíz PYudi Pamukas halo prosesu indentifikasaun bá arguidu hodi konfirma arguidu sira nia naran kompletu ho paíz orijen.
Bainhira tama audénsia Julgamentu, Tribunál konfirma arguidu atu hato’o deklarasaun ruma, maibé arguidu sira hili diretu nonook.
Arguidu na’in-16 ne’e, Ministériu Públiku liu-husi Prokuradór Rogerio Viegas akuza krime lima, hanesan Asosiasaun Kriminoza, burla informátika, esplorasaun jogu ilísitu, brankeamentu kapitál, inklui fraude fiskal, tanba deskonfia hala’o atividade ilísitu scam call centre.
Iha alegasaun Prokuradór Rogerio Viegas solita ba Tribunál atu aplika medida kausaun US$3.000,00 ho Termu identidade bá Rezidensia (TIR) hodi bandu arguidu sira l bele sai husi territóriu Timor-Leste, nune’e fó tempu ba Ministériu Públiku ho autoridade investigadór sira kontinua halo investigasaun iha prosesu tuir mai.
Defeza liu husi Advogada Privada Adelina Mellu Lobu no Advogadu Privadu Mario Cardoso ho Merio da Costa Xavier ne’ebé fó asistensia legál bá arguidu sira mós konkorda ho alegasaun Ministériu Públiku ninian.
Juíz prosesu Yudi Pamukas liu husi nia letura, deside hatún depsaxu hodi aplika medida kausaun US$3.000,00 bá kada arguidu ho prazu loron-10 no termu identidade bá Rezidensia (TIR).
Iha Sesta 02 fulan-Outubru-ne’e, hale’u tuku 03:00 dadeer, Polísia Sientífiku Investigasaun Kriminál (PCIC-sigla portugés) detein sidadaun estranjeiru na’in-16 ne’ebé utiliza banner Polísia Japãun hodi halo atividade scam call centre iha Sola Otél iha área Au-hun, Becora, Díli.
Sidadaun estranjeiru sira ne’e, kompostu husi na’in-hitu (7) ho nasionalidade Japaun, na’in-haat Xina, Taiwan na’in-rua (2), Kamboja na’in-ida, no na’in-rua seluk kaptura ikus.
Iha operasaun ne’e, halo mós apreensaun bá objetu sira hanesan, laptop unidade ida (1), komputadór unidade rua (2), telemovel, aparellu Starlink, vintuiña, ho objetivu seluk tan.
Jornalista: Marcelino Toma
Written by: RafaFM
00 Bá Arguidu Sira Kazu Scam Call Centre Sola Otél Tribunál Aplika TIR no Kausaun US$3.000
todayNovember 20, 2026 14 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt