Ouvir RAFA Ritmo, Voz e Coração de Timor
Díli, 5 Outubru 2026, (RAFA)–Autoridade Munisípiu Díli (AMD) prevee orsamentu ho montante US$400.000,00 iha planu Orsamentu Jerál Estadu 2027 hodi responde ba manutensaun jardin 23 iha Díli laran.
Prezidente Autoridade Munisípiu Díli, Francisco dos Santos, ba RAFA hafoin perienxe programa Bom Dia RAFA edisaun Segunda 5 Outubru 2026, iha estudiu RAFA iha TORRETO, Díli, informa, daudaun ne’e Munisípiu Díli indenfika ona jardin hamutuk 23 iha Díli atu halo manutensaun iha tinan oin.
“Ami tau ona orsamentu hal’u US$400.000,00 iha proposta OJE 2027, atu bele halo manutensaun ba Jardin sira ne’ebé Governu harii ona iha Díli laran,” Francisco dos Santos hateten.
Tuir nia, montante ka valor orsamentu ne’e la to’o, tanba iha inísiu AMD tau ona millaun ida USD, maibé la konsege ezekuta tanba orsamentu refere jere iha Ministériu Turizmu no Ambiente.
Nia rekoña jading barak ho kodisaun aat ba beibeik tanba fator ida mak laiha manurtensaun rutina no manutensaun periódiak. Maibé fator seluk ne’ebé mós kontribui maka ema balun, liuliu joven sira la ajuda koida Jardin sira ne’e tanba sira balu ba sobu tutuir to’o estraga ai-funan no fasilidade ne’ebé instala iha Jardin laran.
Nia konsiente katak montante orsamentu US$400.000,00 la sufisiente atu halo manutesaun ba Jardin hamutuk 23 iha Munisípiu Díli nian, maibé AMD buka hadi’a tuir faze ne’e prioridade.
Nia haktuir, Jardin iha Kristu Rei, Largo Lecidere, 5 Maiu, 12 Novembru, Jardin Rotunda Nicolau Lobato, Jardin Rotunda Proklamadór Francisco Xavier do Amaral, Jadin iha Prokuradór Jerál Repúblika nia oin ho jadin Faról presiza no urjensia atu halo manutensaun atu hadi’a fasilidade sira ne’ebé aat, inklui troka lampu ho fiu sira ne’ebé ema balu estraga tiha.
Jornalista: Cristina Ximenes/Mário Fili
Written by: RafaFM
000.00 iha OJE 2027 Ba Manutensaun Jardin Sira AMD Prevee US$400
todayNovember 20, 2026 14 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt