play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Noticias

Mari Alkatiri ho Pedro Lay Presta Deklarasaun iha Ministériu Públiku Kona-bá Kazu Ró Haksolok

todayOctober 5, 2026 105

Background
share close

Antigu Autoridade RAEOA, Mari Alkatiri, presta deklarasaun iha Ministériu Públiku, Segunda 5 Outubru 2026.

Díli, 05 Outubru 2026 (RAFA)– Antigu Prezidente Autoridade Rejiaun Administrativu Espesiál Oé-cuse Ambenu (RAEOA),  Mari Alkatiri no  antigu Ministru Transporte no Telekomunikasaun (MTK), Pedro Lay,  segunda ne’e, presta deklarasaun iha Minitériu Públiku kona-bá kazu Ró Haksolok.

Ministériu Públiku liu husi Prokuradór titulár  notifika  antigu  Prezidente Autoridade RAEOA Mari Alkatiri, hodi  presta deklarasaun kona-bá  prosesu sira iha RAEOA, tempu Mari Alkatiri nia mandatu, liu-liu liga ho kazu akizasaun Ró Haksolok ho krime administrasaun da nosa no mós krime seluk.

Informasaun ne’ebé RAFA  rekolla husi fonte Ministériu Públiku, katak iha dadeer ne’e, hale’u tuku 8:30 Otl, Ministériu Públiku arolla uluk antigu  Ministru Transporte no Telekomunikasaun Pedro Lay   no  iha  oras tuir mai, hale’u tuku 10:30 Otl,  rona  tan antigu Prezidente  Autoridade RAEOA  Mari Alkatiri.

Iha kazu fraudolentu no irregularidade kona-bá akizasaun Ró Haksolok ne’e, Ministériu Públiku hanesan na’in ba asaun penál konstitui ona ema na’in-58 nu’udar arguidu, maibé seidauk iha informasaun klaru, katak Mari Alkatiri ho Pedro Lay ne’e ba presta deklarasaun hanesan arguidu ka sasin.

Hafoin presta deklarasaun, Mari Alkatiri  ne’ebé akompaña ho husi nia advogada privadu Soraia Marques, rezeita atu fó informasaun ba jornalista sira ne’ebé hein hela iha árredór Prokuradoria Gerál Repúblika (PGR) nian.

“Imi  (jornalista-red) bele bá uma ona, bele bá uma ona, ha’u só hakarak akompaña prosesu ne’e to’o fim, ha’u laiha obrigasaun atu ko’alia ho ita-boot sira, ha’u foin  sai husi Ministériu Públiku,” Mari Alkatiri lia-tun dehan.

Fó hanoin fali katak prosesu akizasaun Ró Haksolok ne’e kustu millaun €13,7,  ne’ebé inaugura iha loron 26 fulan-Maiu tinan 2017 iha sidade Figueira da Foz, Portugal, no kompromete   atu  to’o iha Timor-Leste iha  fulan-Outubru tinan 2017, maibé tanba problema internál husi kompañia Atlantic Eagle Ship Building ho sub-kontratór maka to’o agora ró ne’ebé ho kapasidade atu tula ema na’in-377 no karreta hamutuk 15 sei dauk to’o Timor-Leste.

Jornalista: Marcelino Tomae

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!