play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Noticias

Eleisaun Prezidensiál Brazil, Flávio Bolsonaro Manán Entre Votante Brazileiru sira iha Timor-Leste

todayOctober 5, 2026 1

Background
share close

Eleitór Brazileiru iha Timor-Leste fó vitória ba Flávio Bolsonaro iha primeira volta Eleisaun Pezidensial iha Domingu-ne’e, ho votu 27 husi votu válidu 46 (58,7%) no votu 16 ba Lula.

Díli, 5 Outubru 2026 (RAFA) – Eleitór Brazileiru iha Timor-Leste fó vitória ba Flávio Bolsonaro iha primeira volta Eleisaun Pezidensial iha Domingu-ne’e, ho votu 27 husi votu válidu 46 (58,7%) no votu  16  ba Lula. Tuir dadus ne’ebé RAFA asesu.

Tuir boletim ne’ebé iha kaixa votu ka urna, iha votu 47 husi eleitór 89 ne’ebé rejistu (52,8%).

Augusto Cury hetan votu rua (4,3%) e Zema hetan votu ida (2,2%), iha mós votu branku ida no votu nulu ida.

Timor-Leste iha eleitór brazileiru 89 ne’ebé rejistadu iha tinan 2026. Iha tinan 2022, votante brazileiru iha Díli, fó ona vitória ba Jair Bolsonaro (Flávio Bolsonaro nia aman) iha segunda volta , ho 62,7% husi votu válidu sira.

Rezultadu husi Flávio ne’e, hatudu menus pursentu haat, maske komparasaun ne’e envolve segunda volta ne’ebé ho deit kandidatu rua, no priemeira volta ho kandidatu barak.

Timor-Leste hanesan hanesan país ida husi país 134 ne’ebé ho sesaun eleisaun ida ne’e.

Tribunál Superiór Eleitorál sura hamutuk brazileiru na’in 918.876 ne’ebé aptu tuir votasaun iha rai liur, iha sidade 186.

Dadus parsial sira hatudu, Flávio Bolsonaro hetan vitória iha Japão, ho votu liu rihun 24, besik 71% husi votu válidu sira, iha Filipinas, ho votu 33 kontra votu 26 husi kandidatu Lula no iha Tailándia iha ne’ebé nia hetan votu 51 kontra 40.

Lula manan iha Singapura, ho votu 190 kontra 92, no iha Malázia ho votu 44 kontra 27. Kandidatu Partidu Traballista ne’e hetan mós vitória iha Austrália no Nova Zelândia.

Iha konjuntu exterior, ho 66,91% husi sesaun apauradu ona iha tuku 19h30 Domingu-ne’e iha Brazília (07h30 iha Díli),Lula hetan 51,2% husi votu válidu sira no Flávio Bolsonaro ho 39,4%.

Kandidatu husi Partidu Traballista ne’e hetan votu barak liu iha lokalidade 60 no Flávio iha 30.

Kontajen nasional ne’ebé inklui Brazil, kontinua la’o, ho dadus atualizadu sira hatudu katak, Bolsonaro lidera ho 47,81% (52.825.169 votus) kontra 44,24% (48.913.722 votus )de Lula da Silva.

Lei ezize katak kualker kandidatu tenke hetan votus liu 50%, maibé ho atual senáriu, posibilidade boot sei iha segunda volta.

Jornalista: António Sampaio

 

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!