Governu Sei Halo Levantamentu Dadus Ba Vitima Insédiu Merkadu Taibesi no Comoro Molok Fó Apoiu

Ministra Solidariedade Sosiál no Inkluzaun (MSSI), Verónica das Dores.

Díli 01 Outubru 2026, (RAFA)-  Ministra Solidariedade Sosiál no Inkluzaun (MSSI), Verónica das Dores, informa daudaun Ministériu Solidaridade Sosiál no Inkluzaun (MSSI) halo hela levantamentu dadus iha terenu ba negosiante sira ne’ebé sai vítima ba insédiu iha Merkadu Taibessi ho Comoro molok Governu fó apoiu.

“Tanba ami nia servisu na’in sosiál sira halo hela levantamentu  dadus, ami nia armajen natoon atu fó apoiu imediata ai-han buat ne’ebé presiza nesesidade ami fó,” Ministra MSSI Verónica das Dores inform aba jornalista sira iha Parlamentu Nasionál, Kinta-ne’e.

Governante ne’e esplika MSSI prezisa halo uluk levantamentu dadus ba vitimá insédiu iha Merkadu Taibesi no  Comoro, nune’e labele hamosu dadus manipulasaun.  Tanba ne’e, bainhira dadus kona-bá vitimá insédiu husi MSSI iha ona, MSSI sei tuun ba terenu hodi bele fó apoiu ba vitimá sira iha tempu badak nia laran.

Antes ne’e  membru Parlamentu Nasionál sira liu husi reuniaun plenária husu Governu atu tau atensaun no fó apoiu ba vitimá sira iha insédiu Merkadu Taibesi no Merkadu Comoro.

Rekorda fali katak insédiu ne’ebé akontese iha Merkadu Taibesi iha  Sesta-kalan 25 fulan-Setembru no mós iha Merkadu Comoro akontese iha Domingu 27 Setembru, tanba kauza husi sirkuitu eletrisidade.

Jornalista : Zita Menezes