play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Noticias

Fundu Kontributivu Seguransa Sosiál Millaun US$352,9

todayOctober 1, 2026 13

Background
share close

MSSI halo audénsia ho Komisaun C PN, Kinta 01 Outubru 2026.

Díli, 01 Outubru 2026, (RAFA)- Prezidente Instituisaun Nasionál Seguransa Sosiál  (INSS), Zeferino da Costa Babo, informa fundu kontributivu seguransa sosiál to’o iha fulan-Agostu 2026 sa’e ba millaun US$352,9.

Liu husi audensia ho Komisaun C Parlamentu Nasionál, Kinta-ne’e, Prezidente INSS, Zeferino da Costa Babo, konfirma katak  fundu kontributivu Seguransa Sosiál ne’e parte INSS depozita ba iha kategoria tolu mak hanesan depozita prazu, depozita asoens no depozita obrigasoins.

Nia afirma iha tinan  2025 osan seguransa sosiál ne’ebé INSS  akumula hamutuk millaun US$285,9, ne’ebé mak INSS investe ba depositu prazu iha Banku  BNCTL, BRI, Mandiri, BNU no ANZ  hamutuk  millaun US$183 resin.

Depozitu   asoeins INSS tau iha iha jestaun ativa iha  Portugal hamutuk millaun US$40. No Depozitu obrigasoins INSS  tau iha Banku Sentrál Timor-Leste (BCTL) iha millaun US$50 resin.

“Osan sira ne’ebé mak ita tau iha depozitu iha asoins no obrigasoins to’o iha loron  31 fulan-Agostu-ne’e, husi millaun US$284 resin sa’e tiha ba millaun US$352,9,”  Prezidente INSS Zeferino da Costa Babo esplika.

Iha audiénsia ho komisaun C ne’e membru  Bankada FRETILIN, José da Cruz hanesan mós membru Komisaun C  husu INSS atu klarifiká investimentu fundu seguransa sosiál nia durante ne’e investe iha área saida de’it.

“Fundu seguransa sosiál ne’e durante ne’e ita-boot sira halo ba investimentu ruma, sé iha investimentu ruma iha banku ne’ebé, iha rai laran ka rai li’ur presiza iha esplikasaun ruma,” tenik Deputadu José da Cruz.

Jornalista : Zita Menezes

 

 

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!