Aplika Medida Forte Kombate Atividade Ilísitu Scam Call Centre Iha Timor-Leste

Jurista Carmelita Caetano Moniz.

Díli, 01  Outubru 2026 (RAFA)– Jurista Carmelita Caetano Moniz kestiona atividade ilísitu scam call centre ne’ebé kontinua  akontese no buras iha Timor-Leste tanba sei fó prejuizu bá Estudu, bainhira arguidu barak hetan medida koasaun sira ne´ebé kaman no prizaun preventiva.

Carmelita Caetano Moniz hatete bá RAFA iha  Díli, Kinta-ne’e katak,  atividade scam call centre ne’ebé kontinua eziste iha Timor-Leste bele fó impaktu bá seguransa, estabilidade sosiál no responsabilidade Estadu nian atu kontrola atividade kriminál iha territóriu nasionál.

“Estadu nia  dever no responsabilidade atu  krime ne’e labele akontese  barak liu iha rai ida-ne’e,  kuandu krime barak liubá iha rai ida, sei fó todan liubá ita nia Estadu,  tanba sira  hela iha ne’e ba kumpere prizaun preventive estadu tenke fó han nia  dáder, meudia, kalan,  estadu tenke toma konta bá nia, ”  hatete Carmelita Caetano Moniz.

Antiga Juíza  ne’e esplika medida koasaun ne’ebé Tribunál fó ba arguidu sira husi scam call centre bazeia ba faktu no elementu sira ne’ebé Ministériu Públiku (MP) no autoridade polísial aprezenta iha audénsia primeiru interrogatóriu.

Nia subliña, bainhira Polísia kaptura ema ida iha situasaun flagrante delitu ka bazeia ba mandadu hosi Tribunál, suspeitu tenke lori ba autoridade judisiál tuir prazu dentru 72 oras. Tanba ne’e, tuir nia katak, se ema ida hetan ona medida koasaun hosi Tribunál, maibé depois kontinua halo krime ka la kumpre obrigasaun sira ne’ebé determina iha medida koasaun ne’e, autoridade kompetente bele halo kaptura fali bainhira iha faktu no prova ne’ebé relevante.

“Sei ema ne’e hetan tiha médida koasuan  maka to’o ikus nia kontinua nafatin halo krime  ida-ne’e, entaun Polísia kaer nafatin nia mai ho faktus katak  nia halo tanba Krime ida, medida  koasaun ne’e Juíz la bele foti ona  ne’e Juíz tenke fó liu medida ida-ne’ebé maka as liu  ona,” nia dehan

Antigun membru Parlamentu Nasionál ne’e fundamenta,  tanba advogadu nia servisu atu defende  no  tribunál liu husi Juiz prosesu sira tenke tetu  ho nia imparsialidade tomak  katak sei ema ne’e la kumpri  médida ne’ebé antes foti ona, iha médida seluk mak Prizaun Preventiva.

Nia dehan iha situasaun hanesan ne’e, Tribunál bele reavalia medida koasaun ne’ebé antes foti tiha ona, se rekizitu legál sira la kumpre, bele konsidera medida ida ne’ebé rigorozu liután, inklui prizaun preventiva.

Se arguidu la kumpre medida koasaun ne’ebé Tribunál foti ona, iha posibilidade atu aplika medida seluk tuir lei, inklui prizaun preventiva, dezde faktu no kondisaun legál sira justifika medida ne’e.

Fó hanoin fali katak, iha semana ne’e nia laran, autoridade seguransa Timor-Leste liu husi Diresaun Servisu Ivestigasaun Kriminál (DSIK) halo deteinsaun bá  arguidu na’in-18  ne’ebé indentikadu  kontinua hala’o atividade jogu ilísitiu scam call centre.

Jornalista: Marcelino Tomae