Ministériu Edukasaun Presiza Tau Atensaun Ba Fasilidade Eskola Molok Ezame Nasionál

Membru PN husi Bankada CNRT, Gabriel Soares.

Díli, 28 Setembru 2026 (RAFA)- Membru Parlamentu Nasionál husi Bankada CNRT, Gabriel Soares hatete iha fulan-Outubru, tinan ne’e, estudante sira sei enfrenta ezame nasionál no ezame pasazen klase, tanba ne’e presiza halo kompleta kadeira meza  no fasildade sira seluk iha eskola sira para bele fasilita estudante sira.

“Husu ba Ministériu Edukasaun atu nafatin atensaun ba kadeira meza sira iha eskola sira tanba ezame nasionál no ezame lokál sira ba ita nia estudante finalista sira besik ona,” hatete Deputadu Gabril Soares liuhosi intervensaun iha reuniaun Plenária Parlamentu Nasionál, Segunda-ne’e,.

Membru Komisaun G trata asuntu Edukasaun Juventude no Sidadania, ne’e haktuir nia observasaun katak eskola publikú lubuk mak sei falta fasilidade kadeira meza no fasilidade sira seluk.

Hatán ba kestaun ne’e, Vise Ministru Asuntu Parlamentár Adérito Hugo da Costa hateten nia parte sei hato’o  asuntu ne’e ba Ministériu Edukasaun hodi bele fó solusaun.

Jornalista: Zita Menezes