play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Noticias

Timor-Leste ho Kazakistaun Marka Inísiu Kapítulu Foun Estabelese Relasaun Diplomátika

todaySeptember 26, 2026 62

Background
share close

Ministru Negósiu Estranjeiru no Kooperasaun Timor-Leste, Bendito dos Santos Freitas no Ministru Negósiu Estranjeiru Kazakistaun, Mukhtar Tileuberdi asina komunikadu konjuntu. Imajen/MNEK

Díli, 26 Setembru 2026 (RAFA) —Timor-Leste ho Repúblika Kazakistaun marka inísiu kapítulu foun iha relasaun entre Timor-Leste no Kazakistaun liu husi asinatura Komunikadu Konjuntu entre Ministru Negósiu Estranjeiru no Kooperasaun Timor-Leste, Bendito dos Santos Freitas no Ministru Negósiu Estranjeiru Kazakistaun, Mukhtar Tileuberdi.

Asinatura dokumentu ne’e hala’o iha Nova Iorke, iha marjen 81.ª Sesaun Asembleia Jerál Nasoens Unidas (AGNU).

Ministru Negósiu Estranjeiru no Kooperasaun Timor-Leste, Bendito dos Santos Freitas, hatete Komunikadu Konjuntu ne’e estabelese baze legál ba kooperasaun ofisiál entre Estadu rua, bazeia ba prinsípiu sira iha Karta Nasoens Unidas, inklui respeitu ba soberania, igualdade entre Estadu, integridade territoriál no la-intervensaun iha asuntu internu nasaun ida-idak.

Tuir nia, enkontru bilaterál ne’e mós diskute oportunidade atu hametin diálogu polítiku no habelar kooperasaun iha área komérsiu, investimentu, edukasaun, agrikultura, turizmu no kultura.

“Komunikadu ne’e estabelese baze legál ba kooperasaun ofisiál entre Estadu rua, tuir prinsípiu Karta Nasoens Unidas nian, respeitu ba soberania, igualdade, integridade territoriál no la-intervensaun ba asuntu internu nasaun ida-idak nian,” dehan Ministru Bendito Freitas, iha komunikadu ofisiál ne’ebé RAFA asesu, Sábadu-ne’e.

Aleinde área sira-ne’e, Timor-Leste no Kazakistaun mós esplora oportunidade kooperasaun liuhosi ASEAN, Nasoens Unidas no mekanizmu multilaterál sira seluk, inklui iha área dezenvolvimentu sustentável no mudansa klimátika.

Iha finál enkontru, Ministru na’in-rua reafirma kompromisu atu mantein kontaktu diplomátiku regulár no hahú diskusaun téknika hodi identifika projetu kooperasaun konkreta ne’ebé bele lori benefísiu mútuu ba povu nasaun rua.

Jornalista: Cesarina de Carvalho

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!