Komisaun F Identifika Kama La Sufisiente iha HNGV Tanba Númeru Pasiénte Aas

Família sira hein sira-nia oan ne'ebé sofre moras dengue baixa iha HNGV, Díli. Imajen/Rafa.tl

Díli, 23 Setembru 2026 (RAFA)-Komisaun F Parlamentu Nasionál  identifika katak kama ba pasiente iha Ospitál Nasionál Guido Valadares (HNGV) la sufisiente tanba númeru pasiente aas.

Liuhosi atividade fiskalizasaun Komisaun F nian ba HNGV identifika problme kama la sufisiente ba pasiente sira kauza husi númeru pasiente aumenta kada loron no dalaruma liu tiha kuantidade  kama ne´ebé instala iha  ospitál.

Prezidente  Komisaun F, Deputada Maria Gorumali Barreto, ba jornalista sira, Kuarta-ne’e, hatete HNGV iha padraun operasionál, maibé dalaruma over nune´e pasiente barak tenke baixa iha kuridor sira.

Reprezentante povu ne´e hatutan fiskalizasaun ne´ebé Komisaun F haré katak  iha Timor-Leste iha Óspital Nasionál ida de’it tanba ne’e pasiénte sira husi ospitál referral  iha munisípíu no pasiénte sira iha Kapitál Díli maiória ba halo tratamentu hotu iha HNGV.

“Ida-ne’e hatudu katak ita nia pasiénte ne’e liu tiha  númeru kama ne’ebé mak tuir no hanesan ema fiskalizadór informasaun ne’ebé mai ami simu no mós referénsia ne’ebé mak ami mós simu husi ita nia organizasaun mundiál iha saúde ami tenke ko’alia ida-ne’e,” Deputada Maria Gorumali Barreto  hateten.

Komisaun F mós deskobre katak  kauza husi kama la sufisiénte ba pasiénte sira tanba pasiénste balu halo tramentu iha HNGV ho tempu naruk tanba sofre moras sira ne´ebé komplikadu no presija tratamentu ho tempu ne´ebé kleur.

Deputada ne’e  adianta katak bainhira konstrusaun pediétria remata bele fó solusaun ba problema kama la sufisiénte iha HNGV.

Jornalista : Zita Menezes