Konstrusaun Aeroportu Internasionál Prezidente Nicolau Lobato husi PT Waskita Karya Foin Atinze 10%

PT Waskita nia traballadór uza ekipa pezadu halo servisu iha Aeroportu Internasionál Prezidente Nicolau Lobato. Imajen/MTK

Díli, 23 Setembru 2026 (RAFA)- Ministériu Transporte no Komunikasaun (MTK) halo ona avaliasaun ba konstrusaun Aeroportu Internasionál Prezidente Nicolau Lobato Comoro ne´ebé ezekuta husi PT Waskita Karya foin atinze 10%, ho nune´e,  governu sei hola medida nesesariu atu garante obra ne´e remata tuir tempu ne´ebé determina ona.

Ministru Transporte no Komunikasaun, Miguel Marques Gonçalves Manetelu bá jornalista sira  iha resintu Ministériu Finansas, Kuarta-ne’e, hatete Governu  avalia progresu servisu empreza PT Waskita Karya halo  iha terenu, atu bele aselera projetu ne’e.

Nia fundamena, avaliasaun ne’e, Governu  halo   no  husu  mós   empreza  atu aselera  servisu  tuir sira nia planu ne’e rasik.

“Sira  nia servisu hahú  iha  fulan-Fevereiru, la’o para, la’o para, tanba prosesu sira aviaun mós semo hela, iha komplesidade iha impletasaun, tanba opersaun iha iha Aeroportu ne’e maibé sira atinje seidauk to’o pursentu 10, tanba avaliasaun hanesan ne’e maka ita bolu sira,” Ministru Miguel Marques Gonçalves Manetelu hateten.

Governante ne´e hatutan,  PT Waskita Karya  nia planu ne’e atu konklui iha fulan-Marsu tinan 2028,  maibé  Governu  fó tempu to’o fulan-Maiu 2028. Maibé iha prosesu  iha terenu mak ritmu la’o neineik, Governu tenke  bele kestiona. Tanba sei la’o neineik bele hotu ka lae.

Kona-bá PT Waskita Karya la konkuli projeutu ne’e, tuir nia katak  avaliasaun ne’ebé Governu halo atu haré duni  kestaun ne’e. No iha avaliasaun ne’e fó tempu fulan ida  kontrusaun ne’e la’o tuir ritmu de’it ka iha mudansa.

“Ne’e maka ita halo avaliasaun ne’e bolu sira ita husu, durrante ne’e pimeira-vez  ha’u foin hasorsu  Waskita Karya ha’u ko’alia ho sira  para sira tenke  la’o tuir sira nia planu iha  terenu  servisu tenke la’o  atu nune’e kumpri sira nia planu rasik” nia dehan.

Informasaun ne’ebé RAFA rekolla husi fonte  sira iha terrenu, katak razaun sira ne’ebe kontribui ba projetu ne’e foin bele atinje 10% tanba  dezeñu ne’ebe tarde, mobilizasaun ekipamentu, kapasidade kompañia atu mobiliza key expert sira ne’ebé kauza ba preparasaun di’ak no metodu servisu di’ak,  traballadór ne’ebe la másimiza, inklui ho sasidik ka obstakulu balun ne’ebe governu rasik mós mak kontribui. Ezemplu tarde iha finalizasaun re-asentamentu ka hasai ema husi terrenu.

Sasidik ka obstakulu seluk mós mak re-organiza espasu ne’ebé iha aeropotu  laran, katak tenke mós muda edifisiu sira ne’ebé tenke muda para fo fatin ba PT Waskita servisu, fueld depot (hanesan pertamina, ETO no stakeholder ka paseiru sira) sira seluk ne’ebé tenke re-aranja/muda ba fatin propriu hodi sira bele halo servisu.

Informasaun ne’ebé iha mós katak kauza boot liu, mak kapasidade finanseira PT Waskita nian ne’ebé halo para sira labele hahú servisu ho lalais no mobilizasaun tarde.

Fó hanoin fali katak, iha loron 20 Maiu 2025, Governu halo lansamentu fatuk dahuluk ba dezenvolvimentu espansaun Aeroportu Internasionál Prezidente Nicolau Lobato no iha Orsamentu bá konstrusaun ne’e mai husi Banku Aziátiku Dezenvolvimentu   (ADB) nian ho kontrata husi Governu no pakote ida ba Waskita Karya nia responsabilidade ne’e hamutuk millaun US$72,5.

Konstrusaun aeroportu ne’e hanesan projetu estratéjiku nasionál ne’ebé envolve parseiru internasionál prinsipál tolu mak hanesan JICA kontribui ho subsídiu ida ho yen  kuaze millaun 37,5 ba konstrusaun edifísiu terminál pasajeiru modernu ida ne’ebé amigavel bainhira utiliza

Jornalista: Marcelino Tomae