Kadete PNTL Ne’ebé La Admitidu Konsidera Rezultadu Rekrutamentu Nakonu ho Injustisa

Kadete PNTL ne'ebé la admetidu hasoru Prezidente Juri rekrutamentu PNTL, Komisáriu Asistente Polísia José Soares hodi hato'o sira-nia preokupasaun, Segunda 21 Setembru 2026.

Díli, 21 Setembru 2026 (RAFA) – Porta-vóz Kadete Polísia Nasionál Timor-Leste ka PNTL ne´ebé la admitidu, Tito Orlenas, hato’o  lamentasaun  ho rezultadu lista rekrutamentu ne’ebé Komisaun Rekrutamentu publika no konsidera nakonu ho injustisa.

Nia husu ba komisaun atu fó oportunidade ba kandidatu sira no husu óos klarifikasaun ba razaun sira ne’ebé halo sira la admitidu.

“Ami hakarak husu Prezidenti Juri tenke mantein ho desijaun ne’ebé maka foti husi Primeiru Ministru no Ministru Interiór. Se Prezidenti Juri sira lakohi haré ida-ne’e, ami hatete ida oinsá, uluk ita hotu luta para buka justisa atu garante totalidade no legalidade, transparante, imparsialidade iha prosesu sira, mais ikus Prezidenti Juri sira atual sira mai nafatin komete hanesan ne’e, entaun ita nia prosesu kredibilidade PNTL monu iha publiku, no publiku kestiona bebeik nemak ami husu re-teste fali hotu ba kandidatu 12877 ne’eba maka tuir deklarsaun Primeiru Ministru no Ministru Interiór nian,” Tito Orlenas iha Sentru Formasaun Polísia Akademi, Díli, Segunda-ne’e.

Hatán ba preokupasaun ne´e, Prezidente Juri rekrutamentu membru foun PNTL,  Komisáriu Asistente José Soares, deklara  kadete balun la admitidu  atu kontinua ba faze re-teste rekrutamentu PNTL 2026 tanba la kumpri rekezitu administrative  inklui dokumentus la kompletu no rekezitu idade.

“Uluk ema rejistu ne’e ho manual, ha’u uzasSistema hatama ba iha ne’eáa ema nia naran husi eskola ne’ebe deteta kedas, ne’ebé mak mai ho pre-sekundariu  no deklarasaun kona-bá rejultadu aprovasaun iha diploma ne’e kompleta ona  eskola tinan 12, ne’ebé kuandu idade liu ona 24,  test iha sistema lei preve hanesan ne’e. Idade kuandu laliu- laliu ona, atu Poíisia nia oan no se nia oan de’it lei ba ita hotu tenke trata hanesan ida ne’e mak ita hakarak,” hatete Komisáriu Asistente Polísia José Soares.

Nia  promete katak sei fó oportunidade ba kandidatu ne’ebé la admitidu atu submete sira-nia reklamasaun.

Reklamasaun hirak-ne’e sei aprezenta ba Komandante Jerál PNTL no Ministru Interiór atu hola  desizaun kona-ba kandidatu sira ne’ebé kontesta rezultadu re-verifikasaun no rezultadu sei publika fali antes kandidatu sira ne’ebé kumpri rekezitu kontinua ba faze teste kultural.

Jornalista: João Carlos