Manatuto ho Lautem Sai Alvu Ba Konservasaun Bee Ba Tempu El-Niño

Sekretáriu Estadu Floresta hamutuk ho ekipa konjunta halo konferénsia imprensa, Sábadu 19 Setembru 2026.

Díli, 19 Setembru 2026 (RAFA)-Diresaun Nasionál Floresta hamutuk ho Sekretariu Estadu Floresta liu husi Ministeriu Agrikultura Peska Pekuaria no Floresta(MAAPF) kontinua halo koordenasaun hodi tau atensaun ba Minisípiu Manatuto ho Lautem atu konserva bee hodi prepara ba femenu natural El-Niño ne’ebé sei akontese.

Sekretariu Estadu Floresta, Fernandino Vieira da Costa ba jornalista sira,  Sábadu-ne’e,  iha Díli, informa SEF iha ona senariu balu atu antisipa fenomenu natural El-Niño ne’ebe maka sei akontese iha kauza mundial iha illa Pasifiku iha Europa  inklui mós Timor-Leste.

Fenomena El-Niño ne’ebé sei akontese iha Timor-Leste sei afeta mós ba iha ai-horis sira, no balada fuik sira ne’ebé maka moris iha ai-laran.

SEF kontinua halo koordenasaun ho Diresaun Jeral Floresta, no mós parte tekniku munisipál sira ne’ebé maka destaka iha munisípiu  atu bele fornese nafatin bee no ai-han ruma hodi bele fornese ba iha balda fuik sira ne’ebé maka moris iha Ai-laran.

Hanesan Rusa ne’ebé maka moris iha Illa Jaco, agora dadauk iha temperatura ne’ebé maka maka’as El-Niño akontese bailoron naruk antaun iha ne’ebá komesa hahú, ai-han komesa menus ona. Ho nune’e, SEF kontinua orienta ba iha Diuresaun Jeral Floresta ho tekniku sira ne’ebé maka destaka iha Munisípiu Lautem liu-liu iha Postu Administrativu Tutuala para  kontinua nafatin fornese ai-Han ba Rusa ne’ebé maka moris iha Illa Jaco, hodi nu’uné labele afeta ba sira nia kondisaun saúde ne’ebé maka sira iha.

Governu mós estabelese plantasaun ne’ebé maka iha hanesan, programa re-florestasaun no mós agro-floresta hodi orienta tekniku sira kontinua nafatin fornese bee atu bele rega ai-oan sira ne’ebé maka governu kultiva ona.

Sekretáriu Estadu Floresta dehan bazeia ba predisaun husi Diresaun Nasionál Metorolojia fó sai katak El-Niño sei akontese to’o iha fulan-Outobru bele mós to’o iha fulan-Novembru no fulan-Dezembru. Tanba ne’e, governu nafatin halo preparativu  iha Munisípiu Laútem no mos Manatuto, oinsá maka atu bele antisipa kondisaun ne’ebé maka akontese no mós klima estrima ne’ebé sei akontese ihapPaís ida ne’e.

Fernandino Vieira haktuir tanke iha Manatuto nia volume por volta 10 Mil litrus, no mós hari hanesan iha tanke rezervatoriu ne’ebé bele halo kolesaun ba bee matan sira ne’ebé iha.

Ho nu’uné kolesaun ne’e bele akumula 250 litrus iha tanke reservatoriu  sei iha mos tarjeitu balu ba Munisípiu seluk ne’ebé nesesariu liu sei bele atende hotu.

Jornalista : Remigia Locatolli