PCIC Hein Delegasaun Kompeténsia Husi MP Investiga Kazu Droga

Diretór Nasionál PCIC, Vicente Fernandes e Brito.

Díli, 18 Setembru 2026 (RAFA)- Polísia Sientífiku Investigasaun Kriminál (PCIC) hein delegasaun husi Ministériu Públiku (MP) hodi kontinua halo investigasaun ba kazu droga ho tipu sabu-sabu no ekstasi ho kuantidade grama 98,0162 ne’ebé suspeitu hatama mai Timor-Leste.

Iha loron 14 fulan -Setembru ne’e,  Tribunál Judisiál Primeira Instánsia Díli (TJPID), liu husi despaisu ikus ba prosesu primeiru interogatóriu deside aplika medida koasaun Prizaun Preventiva ba arguidu sidadaun Indonéziu ida ne’ebé suspeita lori droga ho tipu sabu-sabu no ekstasi tama Timor-Leste.

Diretór Nasionál PCIC,  Vicente Fernandes e Brito hatete bá RAFA iha resintu Sentru Formasaun Jurídiku, Díli, Sesta-ne’e, hateten  kazu ne’ebé maka iha elementu sufisiénte mak komitmentu krime trafiku bá droga,  ida-ne’e mak  PCIC ezukuta servisu halo detensaun bá suspetu depois  konstitui arguidu  no autos  remete ona Minitériu Públiku.

“Medida koasaun ida-ne’e aas liu, ne’ebé, ita hein Ministériu Públiku delega mai PCIC  depois  ita  realiza investigasaun tuir despaisu Ministériu Públiku,” Vicente Fernandes e Brito hateten.

Nia hatutan,   kazu droga grama 98 ne’e iha loron rua liubá  foin hala’o julgamentu integatóriu  judisariu, tanba ne’e  sei iha Ministériu Públiku liu-husi prokudadór titulár perdente bá PCIC,  maka sei halo invetigasaun no halo análize bá elementu  apreendidu sira liu-liu prestizu sira-ne’ebé maka  iha relasaun ho drogra.

Nia  dehan,  bá kazu droga ne’ebé Ministériu Públiku  delega ba PCIC iha tinan 2025, PCIC hala’o investigasaun no mós halo ezame espesial iha Laboratóriu Forénsiku, liuliu iha faze teste inisiál.

Kazu ne’ebé  Ministériu Públiku delega bá PCIC dezde hahú Janeiru to’o Setembru ne’e,  100-resin,  maioria krime burla agravadu,  falsifikasaun dokumentu, no mós aumenta ho krime sira iha kazu scam call centre nian.

Jornalista: Marcelino Tomae