Kandidatu Na’in-33 Hahú Tuir Ezame Eskrita Bá Konkursu Juíz Supremu Tribunál Justisa

Kandidatu sira ba konkursu Juís Suremu Tribunál Justisa (STJ), hahú tuir ezame eskrita iha Sentru Formasaun Juridiku, Sesta 18 Setembru 2026

Díli, 18 Setembru 2026 (RAFA)-  Kandidatu  na’in -33 ba konkursu Juís Suremu Tribunál Justisa (STJ),  Sesta-ne’e, hahú tuir ezame eskrita iha Sentru Formasaun Juridiku, Díli.

Iha ezame eskrita ne’e, kandidatu sira tur tuir númeru ne’ebé atribui ba kada kandidatu,  no identifika tuir númeru rejistu ne’ebé iha hodi fasilita juri sira atu halo kontrolu no avaliasaun ba teste.

Medida ne’e aplika atu evita  konflitu interese iha prosesu avaliasaun, tanba juri sira la hatene diretamente identidade kandidatu sira bainhira korrije no avalia resposta teste.

Matéria ezame ka teste ne’ebé fó bá kandidatu sira la hanesan, hodi asegura prosesu avaliasaun ne’ebé independente no evita posibilidade kandidatu sira troka ka kompara resposta durante teste.

Prezidente Komisaun Rekrutamentu, Avelino Coelho, bá Jornalista sira hatete kandidatu na’in-33 ne’ebé admitidu sei tuir ezame ka teste eskrita ba konkursu Juíz iha Sumpremu Tribunál Justisa (STJ) ho partisipasaun jerál kandidatu sira ne’ebé  iha to’o porsentu 99.

Avelino Coelho hatutan katak kandidatu sira ne’ebé rejiste iha konkursu ne’e iha direitu atu partisipa, tanba konkursu ne’e nu’udar prosesu importante hodi harii STJ ba dahuluk no haforsa sistema judisiáriu iha Timor-Leste nu’udar kuartu órgaun soberania iha Estadu.

“Atu hadia sistema judisiáriu,  kria justisa presiza órgaun ida aas liu, tanba  Sumpremu Tribunál Justisa ne’e kuartu órgaun soberania,” hatete Avelino Coelho.

Kona-ba rekizitu kandidatura, nia hatete katak juíz sira ne’ebé iha esperiénsia profisionál liu tinan 10 bele tuir konkursu. Prokuradór-Jerál ne’ebé iha esperiénsia profisionál liu tinan 10 mós iha direitu atu partisipa, enkuantu jurista sira ne’ebé iha esperiénsia profisionál liu tinan 15 bele partisipa.

Nia afirma komisaun rekrutamentu mak tuir  lei, tanba Governu ka Estadu, no hatur atu hala’o knaar loke konkursu, Komisaun nia kna’ar atu aprova regulamentu no avaliasaun, bá  lei organizasaun Judisiáriu.

Konkursu ne’e loke vaga ba Juíz Supremu Tribunál Justisa, ho prosesu selesaun ne’ebé komisaun no juri internationalál hala’o.

Kandidatu sira ne’ebé admitidu mak Afonso Carmona, Albertina da Conceição das Neves, Ana Paula Fonseca Monteiro de Jesus, António Hélder Viana do Carmo, António José Fonseca Monteiro de Jesus, Argentino Luísa Nunes, Deolindo dos Santos, Duarte Tilman Soares, Edite Palmira dos Reis, Ersília de Jesus, Florência Freitas Soares, Francisca Marques Cabral, Hugo da Cruz Pui, Ivan José Suritay Patrocínio Antonino, Jacinta Correia da Costa, João Ribeiro, José António de Jesus Escurial da Silva Faria, José Maria de Araújo, José Quintão Soares Celestino, Jumiaty Maria Freitas, Maria Modesta de Almeida Vieira, Maria Natércia Gusmão Pereira, Maria Solana da Conceição Soares Fernandes, Samuel da Costa Pacheco, Sibruana da Costa, Zulmira Auxiliadora Barros da Silva, Adérito António Pinto Tilman, Angelina Joana Saldanha, Matiasno José Pereira da Conceição .

Enkuantu Kandidatu na’in-rua ne’ebé la admitidu mak Afonso Soares no Alexandre Gentil Corte-Real Araújo .

Obserasaun  RAFA iha resintu Sentru Formasaun Jurídiku no  nota katak durante teste eskrita, konkorente  sira atu sai ka bá  haris fatin tenke akompaña husi asisténte Juri.

Jornalista: Marcelino Tomae