Governu Servisu Maka’ás Kombate Pobreza iha Timor-Leste

Ministru Komérsiu no Industria (MCI), Filipus Nino Perreira.

Díli, 14 Setembru 2026 (RAFA)- Ministru Komérsiu no Industria (MCI), Filupius Nino Perreira, hatete Governu  servisu maka’ás atu  bele kombate pobreza iha Timor-Leste hodi garante kualidade moris povu nian liu husi hasa’e krisimentu ekonomia kada família no apoiu  setór industria no komersiu iha Timor-Leste.

Haktuir  ba relatóriu Banku Mundiál ne’ebé hatudu  Timor-Leste tama iha taxa pobreza  71,7%  ho rnedimentu ki’ik liu US$3.00 iha nasaun ASEAN, Ministru Filipus Nino Pereira, hateten  ne’e kestaun universál no responsabildade ema hotu nian hodi bele kombate numeru ki’ak.

Nia parte apresia ho relatóriu Banku Mundiál no fiar katak parte Governu nian liuliu husi Banku Sentrál Timor-Leste iha numerú ida ne’ebé mak serteza hodi bele  reflete mós ba kondisaun ekonómia Timor-Leste nian.

“Ida-ne’e hanesan informasaun ida ne’ebé halo ita tenke servisu maka’ás liután komponente hotu-hotu iha estadu ida-ne’e tenke servisu maka’ás para neneik ita bele elemina ki’ak iha ita nia nasaun  no ita bele redús númeru ki’ak iha ita nia nasaun,” Ministru Filipus Nino Perreira hateten.

Membru Governu ne´e hatutan nia parte  kestiona uituan mós ho númeru relatóriu banku mundiál, tanba iha tinan kotuk taxa pobreza Timor-Leste nian  tuun ba numerú 41%, tinan 2015 iha numeru 32%, maibé iha tinan 2026 sa’e ba 71,7%.

“Ita espera katak diresaun estatistiká nasionál bele iha númeru ne’ebé mak serteza bazeia realidade ne’ebé ohin loron ita hasoru iha ita nia nasaun,” nia argumenta.

Jornalista: Zita Menezes