Dezembru, Diskusaun Ronda Da-lima Negosiasaun Fronteira Marítima Timor-Leste ho Indonézia Hala’o iha Singapura

PM Kay Rala Xanana Gusmão.

Díli, 11 Setembru 2026 (RAFA)- Primeiru-Ministru, Kay Rala Xanana Gusmão, informa katak diskusaun ronda da-lima negosiasaun fronteira marítima entre Timor-Leste ho Indonézia sei kontinua iha Singapura.

“Fó hatene ba Prezidente Repúblika kona-bá negosiasaun fronteira maritima ho Indonézia. Loron ida ha’u mós ko’alia ona katak, buat ne’e la’ós fasil, ne’ebé mais la’o. Iha Dezembru, tinan ne’e, Kinta ronda negosiasaun sei hala’o iha Singapura,” hatete Primeiru Ministru, Kay Rala Xanana Gusmão ba jornalista sira hafoin enkontru semanál ho Prezidente Repúblika iha Palásiu Prezidensiál, Sesta ne’e.

Entertantu iha diskusaun ronda da-haat iha Jakarta-Indonézia, Timor-Leste ho Indonezia kontinua buka pontu komún iha negosiasaun fronteira maritima ronda dahaat, ho objetivu atu hetan akordu ida-ne’ebe justu tuir direitu internasional no bele simu hosi povu nasaun rua nian

Ekipa negosiadór husi nasaun rua nian buka pontu komún ne’e liuhosi negosiasaun ronda da- haat ne’ebe hala’o durante loron tolu. Hahú hosi 01 to’o 03 fulan-Setembru 2026, iha Jakarta, Indonezia, tanba Indonezia nu’udar uma-na’in ba ronda ida- ne’e.

Iha sorumutu lider Primeiru-ministru ho Xefe Estadu ko’alia kona-bá serimónia sira transladasaun no funerál ba restus mortais preladus Katóliku na´in-haat ne´ebé buat hotu-hotu la’o di’ak tebe-tebes, no iha Konsellu Ministru sei ko’alia fó apresu boot ba Ministru Administrasaun Estatál, tanba aranzu buat ne’e di’ak tebes.

Xefe Governu, agradese mós ba povu, joven sira bele durante loron hira kedas nia laran, buat hotu la’o di’ak, Laiha problema no hatudu domin, respeitu no maturidade hanesan Timoroan.

Jornalista: Cristina Ximenes