play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Noticias

Komisaun C Konsidera Ezekusaun Orsamentu Ba Projetu Tasi Mane Seidauk Másimu

todaySeptember 2, 2026 40 2

Background
share close

Dena projetu tasi-mane. Imasjen/dok.repro

Díli, 02 Setembru  2026 (RAFA)– Prezidente Komisaun C Parlamentu Nasionál ne’ebé trata asuntu Finansa Públiku, Cedelizia Faria dos Santos, konsidera Orsamentu Jeral Estadu (OJE) 2026 ne’ebé aloká ba  iha projetu Tasi Mane ho montante millaun  67 USD  nia ezekusaun seidauk másimu.

“Projetu tasi mane nia ezekusaun ladún la’o maka’ás, ha’u hanoin katak ita-boot sira akompaña hela prosesu sira ne’e hotu, ita hein tanba ita tau osan boot para halo dezenvolvimentu Greater Sunrise no dada kadoras, maibé nia ezekusaun seidauk la’o ida,” Deputada Cedelizia Faria dos Santos  informa ba jornalista sira iha Parlamentu Nasionál, Kuarta-ne´e.

Nia informa, Governu foin mak  ezekuta de’it hanesan ba operasionál projetu  Tasi Mane mak hanesan  teknikú sira nian viajen  ba halo koordenasaun ho komunidade sira, maibé nia fiziku rasik seidauk haré nia ezekusaun.

Orsamentu Jeral Estadu (OJE) 2026, IX Governu aloká orsamentu hamutuk Millaun 67 USD  ba projetu Tasi Mane no ba dezenvolvimentu Greater Sunrise millaun $52.

Fó hanoin fali katak projetu Tasi Mane nu’udár mega-projetu infraestrutura petroleu no gás nian ne’ebé atu dezenvolve setór mina-rai no gás iha kosta súl Timor-Leste husi Suai to’o iha Beaço.

Jornalista: Zita Menezes

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!