play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Noticias

Governu Aprova Izensaun Vistu ho Vietname no Vanuatu

todaySeptember 2, 2026 31

Background
share close

Konsellu Ministru aprova akordu izensaun vistu entre Timor-Leste ho Vietname no Vanuatu, Kuarta 02 Agostu 2026. Imajen/Reprodusaun

Díli, 02 Setembru 2026 (RAFA) – Governu aprova projetu proposta rezolusaun rua ne’ebé aprezenta husi Vise-Ministra Negósius Estranjeiru no Kooperasaun, Jesuína Maria Ferreira Gomes, kona-bá aprovasaun akordu izensaun vistu entre Timor-Leste ho Vietname no Vanuatu.

Vise-Ministra Negósiu Estrajeiru no Kooperasaun (MNEK), Jesuína Maria Ferreira Gomes hatete, Governu  Timor-Leste ho  Repúblika Sosialista Viatname no mós Repúblika Vanuatu, asina ona inzensaun vistu.

“Ohin, ita aprova rezolusaun rua ne’e  hodi haruka bá Parlamentu Nasionál  hodi ratifíka akordu  akordu rua ne’ebé Governu Timor-Leste  asina ona Repúblika Sosialista Viatname no mós Repúblika Vanuatu,” Vise-Ministra Negósius Estranjeiru no Kooperasaun, Jesuína Maria Ferreira Gomes  informa bá  jornalista sira hafoin reuniaun Konsellu Ministru iha Palásiu Governu, Kuarta-ne’e.

Nia  dehan,  tuir lei iha artigu 115 husi  Konstitusaun RDTL  hateten katak kuandu Governu Timor-Leste asina  ona akordu ka tratadu internasionál  ida, lori mai Konsellu Ministru halo rezolusaun ida  no haruka kopia bá Parlamentu Nasionál hodi rafitika akordu rua ne’e.

Akordu dahuluk, ne’ebé asina iha Hanoi iha loron 9 fulan-Juñu 2026, estabelese izensaun vistu ba titulár pasaporte komún Timor-Leste no Vietname nian, hodi nune’e bele fasilita entrada, tránzitu no estadia hosi sidadaun sira hosi nasaun rua ne’e ba objetivu turístiku no mós kontribui ba hametin relasoins bilaterais.

Akordu daruak, asina iha Port Vila iha loron 22 fulan-jullu tinan 2026, estabelese izensaun vistu mútuu ba titulár pasaporte diplomátiku, ofisiál ka servisu Timor-Leste no Vanuatu nian, ho objetivu atu fasilita viajen ofisiál entre nasaun rua ne’e no mós hametin kooperasaun bilateral.

Jornalista: Marcelino Tomae

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!