Governu ho Igreja Halo Simulasaun Ikus Preparasaun Simu Restus Mortais Preladus Na’in-Tolu

Karreta ne'ebé prepara ona atu transporta restus mortais Preladus Katoliku na’in-tolu husi Aeroportu ba Tasi-Tolu.

Díli, 31 Agostu 2026 (RAFA)– Governu Timor-Leste hamutuk ho Igreja Katólika hala’o simulasaun ikus nu’udar preparasaun ba simu restus mortais Preladus Katoliku na’in-tolu, Dom Jaime Garcia Goulart, Dom José Joaquim Ribeiro ho Mensenhor Martinho da Costa Lopes, ne’ebé sei to’o iha Díli, Tersa 01 Setembru 2026.

Restus mortsis Preladus Katoliku na´in-tolui ne´e sei simu direita husi husi Forsa Defeza Timor-Leste (F-FDTL), ho parada militár, nu’udar orden seguransa no dignidade.

Ministru Administrasaun Estatál (MAE,) Tomas do Rosario Cabral ba jornalista sira iha Tasi-Tolu, Segunda-ne´e hatete, Governu ho Igreza  forma ekipa Konjunta ida,  atu simu restos Mortais ne’ebé mai husi Portugál.

“Ohin ita mai iha ne’e, ho F.FDTL, PNTL, sira kompletu,  ho membru Governu sira ho Amo sira  atu forma komisaun ne’e ida de’it, ohin ita mai iha ne’e  halo obserasaun ikus liu, oinsá atu simu iha Aerpoortu ho nia sikuensia  sira ne’ebé atu mai iha ne’e,” hatete Ministru Tomas do Rosário Cabral.

Governante ne´e haktuir, molok Restos Motais preladus katoliku na´in-tolu ne´e to’o iha Timor, Dom Alberto Ricardo da Silva nian sei tama uluk, buat hotu, sei asegura husi F-FDTL ho Polísia Nasionál Timor-Leste, tanba sei iha serimónia onra tanba ne’e Governu ho Iigreza fó kompetensia bá F-FDTL hodi fó onra  tuir knaar Militár ne’ebé  iha.

Restus mortais na’in-tolu ne’ebé translada husi Lisboa, Portugál, to’o ona iha Aeroportu Internasionál  I Gusti Ngurah Rai, Bali, Indonézia, no  rai  durante loron tolu hahú  29 to’o 31 Agostu, iha Bali,  nune’e loron  01 Setembru kontinua mai Díli.

Ministru Administrasaun Estatal ne´e mós esplika katak, tanba atrazu ne’e, restu mortais na’in-tolu sei rai durante loron tolu iha Bali. No Konsul Timor-Leste iha Bali sei reprezenta Komisaun tomak hodi koordena prosesu transladasaun restu mortais sira ne’e. Koordenasaun sei hala’o hamutuk ho Aero Dili atu asegura prosesu transladasaun husi Bali mai Díli bele la’o ho di’ak.

Iha fatin hanesan Arsebispu Metropolita  Díli, Dom Virgílio Cardeal do Carmo da Silva, SDB, hatete, ohin sei halo misa iha Maloa depoi prosesaun ne’e hahú bá  Tasi tolu,  hodi  lori uluk reistus Mortais Dom Alberto Ricardo da Silva.

“Nia família sira horikalan kedas reza tiha ona, família sira hader to’o agora atu lori mai iha ne’e (Tasi-Tolu), Tanba ne’e hotu iha ne’e, ha’u ba iha ne’ebá halo misa, misa hotu prosesaun mai iha ne,” hatete Arsebispu Metropolita  Díli  Dom Virgílio Cardeal do Carmo da Silva, SDB.

Kardeal ne´e informa, parte Igreja Katólika Timor-Leste, fó ona komvite bá Indonézia, Austrália maibé tuir  Dom Vigilio katak husi Darwin maka responde ona karta komvite hodi  partisipa iha eventu haloot restus mortais preladus katoliku sira ne´e nian.

Jornalista: Marcelino Tomae