Timoroan Hotu iha Responsabilidade Apoiu Ekipa Negosiadór Ba Delimitasaun Fronteira Maritíma ho Indonézia

Negosiasaun delimitasaun fronteira maritíma ronda daruak nian hala'o iha loron 08-10 fulan-Dezembru 2025 iha Jogjakarta. Imajen/Dok.

Díli, 31  Agostu  2026 (RAFA)- Xefe Bankada Partidu Congresso Nasionál Reconstrucão Timorense (CNRT), Deputadu Patrocino  Fernandes dos Reis, hatete Timoroan hotu iha responsabilidade apoiu ekipa negosiadór ba delimitasaun fronteira Mmaritíma definitiva ho Indonézia nune’e Timor-Leste bele konklui nia indepedénsia totál.

Xefe Bankada CNRT ne’e argumenta, agora daudaun Governu iha hela kontinuasaun ba prosesu dialogu politíka kona-bá fronteira maritíma ho Indonézia no id- ne’e hatudu Timor-Leste nia luta ba ukun rasik aan no soberania tomak mak liuhosi rai maran, tasi no lalehan buat tolu ne’e tenke kompletu atu sai identidade nasaun ida nian.

“Agora ita falta ho fronteira maritíma ho Indonézia, atu konklui sira ne’e hotu, ida-ne’e mak prosesu hela negosiasaun la’o hela hanesan imi  (Jornalista) rasik mak aprezenta katak Primeiru-Ministru agora daudaun iha Indonézia nia objetivu atu ba kontinuasaun dialogu sira ne’e. Ne’e atu hatete saida hein katak Timoroan tomak hotu-hotu iha responsabilidde moral atu apoiu politíku sira ne’e hotu para depois ita bele to’o iha ita nia objetivu final,” Deputadu Patracino Fernandes dos Reis ba jornalista sira iha Parlamentu Nasionál Segunda-ne’e.

Nia afirma, Timor-Leste  tenke hetan delimitasaun fronteira ida  difinitiva entre Indonézia ho Timor-Leste para Timor-Leste bele konklui nia indepedénsia  total.

“Ita hein katak ho grasa maromak nian tulun husi ita nia natureza matebian sira lakon vida tomak ba ukun aan sira hotu fó apoiu ho ita hotu nia apoiu ita hotu-hotu nia vontade bele hetan solusaun di’ak iha prosesu negosiasaun sira ne’e para it abele konklui ita nia objetivu,” tenik nia.

Iha loron 29 Agostu 2026 Primeiru-Ministru Kay Rala Xanana Gusmão ho delegasaun desloká ona ba nasaun Indonézia hodi kontinua halo negosiasaun formal fronteira marítima entre Timor-Leste-Indonézia iha ronda da-haat, nune’e Xefe Governu ho delegasaun sei fila mai Timor-Leste iha loron 07 Setembru 2026.

Fó hanoin fali katak, enkontru ofisial senior sira husi Timor-Leste no Indonézia hodi hahú ronda da-huluk negosiasaun fronteira maritíma entre Timor-Leste no Indonézia hala ‘o iha Timor-Leste husi loron 19 to’o loron 20 fulan-Agostu 2025.

Iha Reuniaun Ronda-dahuluk ne’e, parte rua to’o iha konkluzaun ida ho kompromisu atu solusiona baliza tasi Timor-Leste ho Indonézia tuir lei dirietu internasional no Konvensaun Nasoins Unidas kona-ba Direitu Tasi nian (UNCLOS, sigla Ingles).

Iha Negosiasaun ronda daruak nian hala’o iha loron 08-10 fulan-Dezembru 2025 iha Jogjakarta no parte rua; RDTL-RI diskute kestaun tékniku no jurídiku ho espíritu konstrutivu.

Negosiasaun ba delimitasaun fronteira maritíma entre Timor-Leste ho Repúblika Indonézia ba ronda da-toluk nian durante loron tolu: 27-29 fulan-Abril 2026 iha Singapura, hamosu entendimentu di’ak ba solusaun.

Primeiru-Ministru, Kay Rala Xanana Gusmão ne’ebé akompaña ekipa negosiasaun Timor-Leste nian iha negosiasaun ronda da-toluk iha Singapura, konfirma katak negosiasaun ne’e iha susesu bo’ot tebtebes tanba parte rua loke-an, rona-malu no konsege iha entendimentu ida hodi la’o tuir de’it Lei Direitu Internasional Tasi nian.

Jornalista : Zita Menezes