Komité Revizaun Polítika OJE 2027, Tau Millaun 15 USD Ba DNTP no DJSRN

Ministru Justisa Sérgio de Jesus Fernandes da Costa Hornai.

Díli, 21 Agostu 2026 (RAFA) –  Komité  Revizaun Polítika  Orsamentu Jerál Estadu (OJE) 2027 tau millaun 15 USD ba Diresaun Nasionál Terras no Propriedade (DNTP) no Diresaun Servisu Rejistu no Notariadu (DJSRN).

Ministru Justisa, Sérgio de Jesus Fernandes da Costa Hornai, esplika katak, osan ne’ebé tau ba diresaun rua-ne´e sei uza atu suporta servisu sira, inklui emisaun pasaporte, arrendamentu no direitu superfisiu, inklui prosesu atribusaun rai ba empreza nasionál no internasionál sira.

“Ministériu Justisa hetan  millaun 15 USD ne’ebé destinadu ba DNTP no DJSRN atu halo emisaun ba pasaporte, arrendamentu no mós ba iha direitu superfisiu, ne’ebé ita atu atribui rai ba empreza nasionál no internasionál sira atu kontribui ba iha arrendamentu no iha reita,” e Ministru Justisa Sérgio de Jesus Fernandes da Costa Hornai informa ba jornalista sira iha edifisiu Ministériu Finansa, Díli, Sesta-ne’e.

Nia hatutan, jestaun rai liuhosi arrendamentu no direitu superfisiu sei kontribui ba aumentu reseita Estadu, liuliu husi atividade empreza no investimentu iha Timor-Leste.

Iha situasaun ne’e importante tebes ne’ebé, sai hanesan prioridade Ministériu Justisa nian maka  iha reuniaun Komité  Revizaun Polítika diskute kona-bá jestaun terras propriedade, oinsá maka  atu haré polítika bá iha  atribuisaun bá titularidade bá  sidadaun sira iha tinan 2027  no bá futuru.

Nia esplika, ko’alia kona-bá polítika Ministeriu Justisa,  foka  bá emisaun ho dokumentu ofisiál Estadu nian hodi bele garante, plataforma forma ida-ne’ebé bele integradu asesivel, no bele produz efeitu ne’ebé lalais atus bele hatan bá iha, sdadaun sira ninia interese,  atu bele garante siguransa Jurídika, administrasaun ne’ebé la’o ho lalais, no bele fó komfiabel atu nune’e  modalidade dokumentu  sira bele kompativel atu uza iha fatin hotu-hotu, tantu bá iha emisaun pasaporte, BI, no mós  dokumentu  bá iha Direitu Propriedade ninian, bele produz ho kualidade ida-ke di’ak no kuantidade  ida ke naton maibé asegura sustentavilidade bá oin.

“Ha’u mós hakarak hatete maka iha loron primeiru ha’u ho ekipa mai aprezenta,  hetan apresiasaun pozitivu husi  Prezidente Komite Revizaun Polítika,  ho nia membru sira halo aprovasaun ida ho  umanidade, ho kolesaun ida bá iha área tematika ho kestaun téknika  ne’ebé sira aborda atu bele aserta iha servisu tékniku nian,” nia esplika.

Iha modalidade rua atu hasa’e reseita Estadu, liuhusi jestaun administrasaun públika ne’ebé di’ak no fó servisu ho kualidade ba sidadaun sira. Governu mós tenke haree reseita hanesan parte husi polítika diversifikasaun ekonomia, ne’ebé sai hanesan objetivu no espetativa hamutuk. Tanba ne’e, presiza halo esforsu atu redús dependénsia ba rekursu petrolíferu, no orienta ekonomia Timor-Leste ba setor sira seluk ne’ebé bele dezenvolve no fó kontribuisaun ba reseita Estadu.

Nia  afirma katak diversifikasaun ekonomia importante atu garante sustentabilidade ekonomia nasional iha futuru, liuliu bainhira rekursu petrolíferu limitadu.

Nia subliña vizaun polítika  Ministeriu Justisa ninian, fó iha jestaun terras, no servisu integradu identifikasaun dadus iha polítika  dijitalisaun ninia, iha kontestu Polítika  no kontestu tékniku iha  área tematika bá iha númeru sira ne’ebé maka Govenrnu atu atribui  Institusaun Minitériu sira, liu-liu iha Ministériu  Transporte Komunikasau, Ministériu Administrasaun Estatál,  liu-husi autoridade Munisípiu Díli  kontribui maka’ás oinsá atu bele  produz reseita  no kontribui diversifikasaun ekonomia iha  rai laran.

Jornalista: Marcelino Tomae