PM Xanana Gusmão Kontinua Diskute Fronteira Maritima Ronda-Dahaat iha Jakarta

PM Xanana Gusmão.

Díli, 20 Agostu 2026 (RAFA)- Primeiru-Ministru, Kay Rala Xanana Gusmão, Sábadu 29 Agostu-ne’e, sei halo vizita  ofisiál ida ba Jakarta-Indonézia, hodi kontinua deskute kona-bá fronteira maritíma  ho Indonézia.

“Ha’u  informa ba Prezidente Repúblika katak,  dia 29 Agostu-ne’e ha’u sai ba negosiasaun Fronteira Maritíma ho Indonézia, maibé ita haré to’ok oin nusa, agora ita komu okupadu hela,” Primeiru-Ministru, Kay Rala Xanana Gusmão informa ba jornalista hafoin enkontru semanál ho Prezidente Repúblika José Ramos-Horta iha Palásiu Prezidensiál, Sesta-ne’e.

Fo hanoin fali katak, enkontru ofisial senior sira husi Timor-Leste no Indonézia hodi hahú ronda da-huluk negosiasaun fronteira maritíma entre Timor-Leste no Indonézia hala´o iha Timor-Leste husi loron 19 to’o loron 20 fulan-Agostu 2025.

Iha Reuniaun Ronda-dahuluk ne´e, parte rua to’o iha konkluzaun ida ho kompromisu atu solusiona baliza tasi Timor-Leste ho Indonézia tuir lei dirietu internasional no Konvensaun Nasoins Unidas kona-ba Direitu Tasi nian (UNCLOS, sigla Ingles).

Iha Negosiasaun ronda daruak nian hala’o iha loron 08-10  fulan-Dezembru 2025 iha Jogjakarta no parte rua; RDTL-RI  diskute kestaun tékniku no jurídiku ho espíritu konstrutivu.

Negosiasaun ba delimitasaun fronteira maritíma entre Timor-Leste ho Repúblika Indonézia ba ronda da-toluk nian durante loron tolu: 27-29 fulan-Abril 2026 iha Singapura, hamosu entendimentu di’ak ba solusaun.

Primeiru-Ministru, Kay Rala Xanana Gusmão ne’ebé akompaña ekipa negosiasaun Timor-Leste nian iha negosiasaun ronda da-toluk iha Singapura, konfirma katak negosiasaun ne’e iha susesu bo’ot tebtebes tanba parte rua loke-an, rona-malu no konsege iha entendimentu ida hodi la’o tuir de’it Lei Direitu Internasional Tasi nian.

Jornalista: Cristina Ximenes