Sidadaun Rihun 300-resin Kontinua Utiliza BI Provizoríu Tanba Laiha Blanku Orijinál

Modelu Billete Indetidade (BI) provizoríu. Imajen/Repro

Díli 21 Agostu 2026 (RAFA)–Ministériu  Justisa,  liu-husi Diresaun Jerál Servisu Rejistu Notariadu (DJSRN) rejista sidadaun hamutuk rihun 300-resin kontinua utiliza dokumentu  ofisiál Billete Indetidade (BI) provizoríu tanba laiha (falta) blanku orijinál.

Diretór-Jeral dos Servisu de Registos e Notariado (DGSRN), Agostinho Vieira Gonçalves, Sesta-ne’e, informa  problema kona-bá blanku Billete Indentidade no sidadaun sira kontinua utiliza Billete Identidade provizoriu, tanba husi aproviszonamentu maka demora tempu.

Nia hatutan presiza tempu loron-40 prosesu sira ne’e la’o hela, tanba  tinan ida-ne’e  husu  US$ 50,000-resin, atu atende de’it iha tinan 2026, tanba  to’o ona rohan,  maibé  bá tinan oin diresaun husu  US$ 200,000.00 ba akizisaun ba Blanku Billete Indentidade.

“Billete Indetidade provizoríu ho surat tahan mutin ne’e rejista 300,000-resin, tanba  ne’e maka  orsamentu  Jerál  2027 ita husu US$ 200.000.00,” Agostinho Vieira Gonçalves informa jornaista sira iha Ministériu Finasas, Díli.

Diretór ne´e afirma katak iha tinan 2027, tratamentu bá Bulletin Identidade bele direita bá  orijinál no ba Billete Indentidade provizoriu ne´ebé kuaze  utiliza tinan tolu liu ona, tanba afeta mós husi alokasaun orsamentu.

Dadaun ne’e tenderizaun kompaña Grafika Nasionál manán tiha ona no sei produsaun entrega bá  Minitériu  Justisa.

“Fulan-Setembru ne’e ita bele iha ona,  no fó distribuisaun iha Minitériu Justisa ona, sidadaun ne’ebé utiliza  Billete Indentidade provizoríu ne’ebé iha surat tahan  mutin, bele ona iha orijinál, no prazu tinan lima,” nia informa.

Maske  ho Billete Identidade Provizoríu maibé Diresaun Servisu Rejistu Notariadu kontinua halo atendimentu ba sidadaun sira no bainhira Blanku iha ona sei fó sai aviza  hodi prin out Billete orijinál.

Jornalista: Marcelino Tomae