Abríl-Juñu, Aero Dili Enfrenta Relatóriu Mean Tanba Folin Kombustível Global

CEO Aero Díli, Lourenço de Oliveira.

Díli, 19 Agostu 2026 (RAFA) – Durante fulan tolu nia laran,  hahú husi fulan-Abríl to’o fulan-Juñu, tinan ne’e ,kompañia Aero Dili enfrenta relatóriu mean  tanba folin kombustível aumenta iha merkadu global ne’ebé fó impkatu maka’ás ba tikete ka billete aviaun nian sa’e.

Notísia Relevante: Aero Dili Seidauk Bele Halo Voo Díli–Kupaun

Impaktu folin kombustível global ne’e afeta mós ba operasaun rota  Aero Dili nian, ba Singapura, Malázia no Xina, ne’ebé kada semana bele dala-rua tenke hatun ba kada semana dala-ida de’it.

“Relatóriu ne’e mean  tiha durante Abríl, Maiu no Juñu, tanba mina sa’e derepente to’o 100%. Tanba sa’e maka’as, ita sei  aguenta de’it hodi hamonus mak oráriu voo nian ba destinsaun  nasaun sira hanesan Singapura, Malázia no Xina, ne’ebé tuir loos voo dala-rua kada semana, mas hatun ba dala ida de’it,” Lourenço de Oliveira informa, Tersa-ne’e liuhosi konferénsia imprensa.

CEO Aero Díli ne’e dehan iha esperansa atu aumenta tan númeru aviaun no pasajeiru sira, maibé situasaun konflitu iha Médiu Oriente kontinua fó impaktu ba merkadu global, liuliu ba folin kombustível.

“Depende ba funu ne’e. Funu ne’e maka redus ona no  mina folin mós tun, ita bele halo buat ruma. Se  mina folin nia aumenta hela deit, sé mak atu sa’e aviaun kuandu tikete ne’e karun,” Lourenço de Oliveira hateten.

Iha parte seluk, Lorenço de Oliveira  relata kona ba destinasaun Aero Díli ba Xina no Bali/Denpasar atualmente hatudu dezempeñu di’ak liu kompara ho destinasaun sira seluk.

Nia hatutan katak merkadu pasajeiru entre Timor-Leste no Xina iha poténsial boot, tanba númeru pasajeiru husi Xina ne’ebé mai Timor-Leste konsidera aas.

Dadus Aero Dili nian konfirma katak  númeru sidadaun estranjeiru ho nasionalidade Xina iha Timor-Leste  atualmente besik ona 23.000.  ne’e, ba Aero Dili hanesan merkadu ne’ebé  ba rota Timor-Leste-Xina.

Daudaun ne’e, Aero Díli iha armada rua, Airbus A320 no Airbus A319. Kompañia ne’e hala’o operasaun ho rota Díli–Denpasar/Bali (loron-loron), no Díli–Darwin-Austrália, dala rua kada semana, ho operasaun iha Tersa-feira no Domingu, inklui halo operasaun ba Singapura ho Malázia kada semana dala ida.

Jornalista: Remigia Locatelli