play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Noticias

MAE Relata Preparativu Tékniku Eleisaun Prezidensiál 2027 Ba Prezidente Repúblika

todayAugust 6, 2026 22

Background
share close

Ministru Administrasaun Estatal (MAE), Tomas do Rosário Cabral, hasoru malu ho Prezidente Repúblika, José Ramos-Horta, Kinta 6 Agostu 2026.

Díli, 06 Agostu 2026 (RAFA) – Ministru Administrasaun Estatal (MAE), Tomas do Rosário Cabral, Kinta-ne’e, hasoru malu ho Prezidente Repúblika, José Ramos-Horta, iha Palasiu Prezidensiál, hodi relata preparativu tékniku sira ne’ebé Sekretariadu Tékniku Administrasaun Eleitorál (STAE) halo ba Eleisaun Prezidensiál 2027, inklui preparasaun ba mandatu foun Komisaun Nasionál Eleisaun (CNE) ba periodu tuir mai.

Ministru Tomas do Rosário Cabral informa katak, STAE hahú ona preparativu tékniku sira no instituisaun ne’e prontu atu hala’o prosesu eleisaun bainhira data ofisiál determina ona.

“Ha’u informa ba Prezidente Repúblika, katak STAE preparadu ona atu hala’o servisu eleisaun prezidensiál hamutuk ho CNE, hanesan institutu públiku, STAE iha autonomia atu jere nia orsamentu no atividade rasik, tanba ne’e, Prezidente Repúblika bolu STAE no CNE atu rona diretamente kona-bá preparasaun Eleisaun Prezidensiál 2027,”  Ministru Tomas do Rosário Cabral  informa ba jornalista sira.

Governante ne´e esplika katak, tuir kalendáriu previstu, Eleisaun Prezidensiál sei realiza entre finál fulan-Janeiru to’o Abril 2027, tanba mandatu Prezidente Repúblika atual remata iha fulan-Maiu 2027.

Organizasaun eleisaun iha períodu refere importante atu fó tempu ba Prezidente Repúblika eleitu atu prepara prosesu tranzisaun poder no entrega responsabilidade Estadu nian, molok tomada de posse ne’ebé regularmente realiza iha loron 20 Maiu.

Iha sorumutu ne’e, Ministru Administrasaun Estatal relata mós ba Prezidente Repúblika kona-bá preparasaun Governu nian atu halo transladasaun restus mortais bispu Timoroan na’in-tolu husi Portugal mai Timor-Leste, ne’ebé previstu sei to’o iha Timor-Leste iha loron 1 fulan-Setembru 2026.

Relasiona ho preparativu atividade refere, Governu deside katak serimónia komemorasaun loron Referendu ba dala-XXVII, 30 Agostu, sei realiza iha Munisípiu Manatuto, enkuantu serimónia Loron Konsulta Popular 20 fulan-Agostu sei realiza iha Munisípiu Baucau.

 Jornalista: Remigia Locatelli

 

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!