play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Noticias

Timor-Leste ho Portugál Asina Akordu Kooperasaun Turizmu

todayJuly 30, 2026 52

Background
share close

Vise Primeiru-Ministru, Ministru Koordenadór Asuntu Ekonomia no Ministru Turizmu no Ambiénte, Francisco Kalbuadi Lay, asina akordu Kooperasaun ho Ministru Ekonomia no Koezaun Territoriál Portugál, Manuel Castro Almeida, Kinta 30 Jullu 2026.

Díli, 30 Jullu 2026 (RAFA.TL)-  Vise Primeiru-Ministru, Ministru Koordenadór Asuntu Ekonomia no Ministru Turizmu no Ambiénte, Francisco Kalbuadi Lay, Kinta-ne’e,  iha Díli, asina akordu Kooperasaun ho Ministru Ekonomia no Koezaun Territoriál Portugál, Manuel Castro Almeida.

VPM Francisco Kalbuadi Lay sente onra no hato’o  agradese ba prezensa Ministru Ekonomia Manuel Castro  ho nian komitiva no agradese mós  ba Governu no povu Portugal ne’ebe ho  Timor-Leste iha  istória  naruk hori uluk to’o agora nafatin hamutuk hodi servisu hamutuk iha área oin-oin.

“Onra no kontente tebes hasoru Ministru Manuel Castro Almeida ne’ebe mai husi Portugál Ministru Turizmu Ekonomia ne’ebe ami na’in-rua foin asina hotu akordu kooperasaun ne’ebe mak halo tiha entre Portugál no Timor-Leste iha area oin-oin no iha área turizmu nian,” Vise-Primeiru-Ministru Francisco Kalbuadi Lay hateten.

Ministru Ekonomia no Koezaun Territoriál Portugal Manuel Castro Almeida, fomenta   Timor Leste no Portugál valoriza turizmu hanesan elementu sentrál ida ba krésimentu  ekonomia nian  nu’udar área ida ne’ebé iha poténsia boot ba ekonomia.

“Ha’u haksolok tebes mai iha Díli, iha reuniaun ida Ministru Turizmu CPLP nian. Portugál valoriza tebes CPLP, no ha’u partikularmente valoriza tebes CPLP, no tanba ne’e mak ha’u iha ne’e, atu estabelese kolaborasaun ida ne’ebé forte liu iha área turizmu entre nasaun hotu-hotu ne’ebé ko’alia lian portugés,” nia hateten.

Aproveita vizita ida-ne’e iha Díli, Ministru Ekonomia no Koezaun Territoriál Portugal Manuel Castro Almeida asina ona akordu ida entre Governu Timór-Leste  iha área turizmu nian, no ne’ebé iha hanoin atu koopera iha setór espesífiku formasaun nian, iha kualifikasaun ba kuadru sira ne’ebé formadu ba área turizmu nian..

Nia afirma Timor-Leste no Portugál iha vantajen barak hodi prezerva natureza, no prezerva ninia espesifisidade kulturál, nia tradisaun sira, tanba ida-ne’e hamosu atrasaun turístika no hamosu turizmu ho kualidade.

Jornalista : Zita Menezes

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!