play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Noticias

Governu Timor-Leste ho Mocambique Hametin Kooperasaun iha Área Turizmu

todayJuly 30, 2026 43 2 1

Background
share close

Vise-Primeiru-Ministru, Ministru Koordenadór Asuntu Ekonomia no Ministru Turizmu ho Ambiénte, Francisco Kalbuadi Lay, hala’o enkontru ho Sekretáriu Estadu Turizmu Moçambique, Fredson Bacar ho nia delegasaun, Kinta 30 Jullu 2026.

Díli, 30 Jullu 2026 (RAFA.TL)-  Vise-Primeiru-Ministru,  Ministru Koordenadór Asuntu Ekonomia no Ministru Turizmu ho Ambiénte, Francisco Kalbuadi Lay, Kinta-ne’e,  hala’o enkontru ho Sekretáriu Estadu Turizmu Moçambique, Fredson Bacar ho nia delegasaun  hodi hametin kooperasaun iha área turizmu.

Vise-Primeiru-Ministru  Francisco Kalbuadi Lay haktuir Ministru Turizmu CPLP lubuk ida mak  mai halo enkontru hahú husi Mocambique, Angola, São Tome Prinsipe, Portugál, Brazil ho Timor-Leste hodi dezenvolve no  hametin kooperasaun iha areá turizmu   nian.

Sekretáriu Estadu Turizmu Moçambique Fredson Bacar, konfirma katak enkontru ida-ne’e hala’o iha espíritu amizade no kooperasaun, no hakarak hato’o agradese no valoriza relasaun amizade no kooperasaun ne’ebé di’ak entre povu rua, governu rua no nasaun rua, Moçambique ho Timor-Leste.

Nia afirma enkontru ida-ne’e  sai hanesan oportunidade ida atu diskute dezenvolvimentu turizmu iha komunidade nasaun sira ko’alia lian Portugés ka CPLP.

Sekretáriu Estadu Turizmu Moçambique espera husi enkontru ida-ne’e bele hamutuk kria estratéjia sira atu dezenvolve setór turizmu iha rejiaun.

Iha enkontru kortézia ne’e Moçambique no Timor-Leste mós asina akordu kooperasaun ida iha área turizmu nian, tanba nasaun rua ne’e iha karaterístika hanesan, fahe lian ida de’it, Portugés, iha istória komún  kona-bá luta ba autodeterminasaun  no mós iha esperiénsia koloniál hanesan.

“Ami hakarak atu dezenvolve destinu turístiku sira iha nasaun rua. Ami hakarak halo turizmu sai hanesan motór ida ba dezenvolvimentu ekonómiku, tuir mos ajenda dezenvolvimentu Timor-Leste, atu kria servisu ba juventude, aumenta rendimentu ba povu no aumenta reseita ba Estadu,” Sekretáriu Estadu Fredson Bacar tenik.

Nia haktuir liuhosi turizmu,  hakarak fó oportunidade servisu ba joven sira no ajuda dezenvolve nasaun rua.

Jornalista : Zita Menezes

 

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!