play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Noticias

ETEP Sei Servisu Hamutuk ho Governu Hodi Ajuda Povu Timor-Leste Sai Forte Liután iha Kuidadu Matan

todayJuly 30, 2026 19 2

Background
share close

Ekipa médiku sira husi The East Timor Eye Program (ETEP) ka Programa Matan Timor Lorosa’e hasoru malu ho PM Xanana Gusmão iha Palásiu Govenru, Kuarta 29 Jullu 2026.

Díli, 30  Jullu  2026 (RAFA.TL)- The East Timor Eye Program (ETEP) ka Programa Matan Timor Lorosa’e  sei servisu hamutuk ho Governu hodi fó asisténsia  ba povu Timor-Leste atu sai forte liután iha kuidadu  matan.

Dr. Matan Nikin Verna husi Programa East Timor Eye, Kuarta-ne’e, ba jornalista sira hateten, programa ida-ne’e hahú iha tinan 2000 no eziste  tinan 26 ne’ebé koñesidu nu’udár Programa Matan Timor Lorosa’e.

Hafoin hasoru malu ho Primeiru-MInistru Xanana Gusmão, iha Palásiu Governu, Dr. Nikin Verna adianta programa ida-ne’e  hahú ki’ik tebes ho grupu voluntáriu ida no ohin loron programa ne’e sai hanesan servisu matan nian iha Timor-Leste. Agora to’o ona iha faze ida ne’ebé Programa Matan Timor-Lorosa’e  halo operasaun barak no halo tratamentu barak ba moras matan iha Timor-Leste.

Durante ne’e ekipa husi  Programa Matan Timor Lorosa’e  ho grupu médiku, enfermeiru, ema kuidadu matan, la’ós de’it hala’o servisu iha  Díli, maibé mós iha Maliana, Rejiaun Administrativu Espesial Oé-Cuse Ambeno  (RAEOA), Suai  no sei kontinua iha  Baucau no Maubisse no Ospitál referál sira.

Iha enkontru ho Primeiru Ministru, Xanana Gusmão no Ministra Saúde Élia A.A dos Reis Amaral, iha planeamentu pasu sira tuir  mai Programa Matan Timor Lorosa’e sei  hamutuk ho Governu Timor-Leste sei halo ligasaun sira hosi Austrália, Nova Zelándia, Índia, Nepal, Amérika, Singapura, nasaun sira ASEAN nian hodi haforsa liután kuidadu matan ba povu Timor-Leste.

“Ami hein katak parseria ida ho governu Timor-Leste, Ministériu Saúde Timor-Leste no ami-nia parseiru internasionál sira sei ajuda Timor-Leste sai forte liután iha kuidadu matan nian atu ema husi Timor-Leste la presiza sai ba liur hodi halo tratamentu. Ema husi liur sei mai iha ne’e hodi halo tratamentu,” tenik Dr. Nikin Verna.

Nia hatutan tinan 15 liubá ema 7.7% iha Timor-Leste hetan defisiénsia matan, tinan-lima liubá hafoin programa ne’e hahú ona prevalénsia difisiénsia matan nian tun ba 2.8%.

Jornalista : Zita Menezes

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!