Liquiça, Ermera ho Aileu, Rejista Kazu Violénsia Doméstika Aas

Diretora Fokupers, Domingas Afonso Amaral.

Díli, 27 Jullu  2026 (RAFA.TL)- Iha tinan 2026,  Fokupers Timor-Leste  rejista númeru kazu violénsia domestika ho total 126. Husi kazu sira-ne’e, minisípiu ne’ebé rejista ho númeru aas mak  Liquiça, Ermera ho Aileu.

Tipu kazu violénsia domestiká ne’ebé arola iha Fokupers sira-nia baze dadus  mak hanesan violénsia fizikú,  psikososiál, ekonómia no mós violasaun sexual.

Diretora Fokupers, Domingas Afonso Amaral,  Segunda-ne’e iha Díli, informa  dadus Fokupers iha  tinan 2024 rejista kazu violénsia doméstika  hamutuk 250, no iha tinan 2025 rejista kazu 239. Husi kazu sira ne’ebé mak rejista ne’e, Fokupers fó ona asisténsia uma mahon no akompañamentu.

“Ita kompara iha tinan ida-ne’e husi fulan-Janeiru to’o fulan-Juñu, kazu ne’ebé mak rejista hamutuk 127,”  Diretora Fokupers Domingas Afonso Amaral informa  ba jornalista sira.

Fokupers fó apoiu holisitikú no mós fó akompañamentu legál ba to’o iha prosesu justisa, no durante ne’e Fokupers iha kolaborasaun di’ak ho ministériu relevante, liuliu ho Polisia Unidiade   Seksaun Vulneravel  (VPU)  no Minstériu Públiku.

Jornalista: Zita Menezes/Editór: Francisco Belo Simões