ME Organiza Semináriu “Memoria Ba Kuatru Preladu” Kontribui Edukasaun Fraternidade Ba Sidadaun Sira

Semináriu “Memória ba Kuartu Preladu sira”, Dom Jaime Garcia Goulart, Dom José Joaquim Ribeiro, Monseñor Martinho da Costa Lopes, Dom Alberto Ricardo da Silva iha Salaun IAN MARTIN – INFORDEPE, Segunda 20 Jullu 2026

Díli, 20  Jullu  2026 (RAFA.TL)- Ministériu Edukasaun (ME), Segunda-ne’e, realiza Semináriu “Memoria ba Kuatru Preladu” Dom Jaime Garcia Goulart, Dom José Joaquim Ribeiro, Monseñor Martinho da Costa Lopes no Dom Alberto Ricardo da Silva, ba manorin sira  no dirijente Ministériu Edukasaun sira ho objetivu atu kontribui edukasaun fraternidade ba sidadaun sira.

Ministra Edukasaun  Dulce de Jesus hatete, semináriu ida-ne’e sai hanesan onra ida ba Ministériu Edukasaun atu iha Reverendu Padre ne’ebé  prezente ne’e bele  hato’o palestra istória preladu igreja katolikú nian ba profesór sira, estudante sira, no komunidade edukativa kona-bá  legadu husi preladu sira.

Membru Governu ne’e hatete inisiativa ida-ne’e reflete kompromisu Governu nian atu promové, hahú hosi idade ki’ik, valór sira hanesan respeitu ba dignidade umana, solidariédade, kultura dame nian, diálogu entre ema sira ho fiar oi-oin, no koezisténsia armonioza iha diversidade.

“Ami iha konviksaun katak edukasaun ba fraternidade sei kontribui ba formasaun sidadaun sira ne’ebé loos, responsavél no komprometidu atu harii Timor-Leste ida ne’ebé unidu, inkluzivu no pasífiku ba beibeik,” Ministra Dulce de Jesus hateten.

Semináriu ida-ne’e bele hametin peskiza, diálogu, no reflesaun kona-ba patrimóniu istóriku no edukasionál ita-nia rain nian, hodi inspira ita atu kontinua eduka sidadaun sira ne’ebé loos, responsavel no iha kompromisu ba dezenvolvimentu nasionál,” hatete Ministra Dulce de Jesus iha Salaun Ian Martin  INFORDEPE Díli.

Iha fatin hanesan oradór Internasionál Reverendismu Monseñor Pe. Daniel Faria Marques hatete,  nia parte  onradu no hato’o  agradesimentu  ba Ministériu Edukasaun ne’ebé fó ona konvite hodi bele marka prezensa iha fatin semináriu ida-ne’e hodi bele fó palestra kona-bá istória husi preladu sira.

“Ha’u mak ida ne’ebé sente onradu atu hamutuk ho ita-boot sira no fahe uitoan ho ita-boot sira kona-ba ita-boot sira-nia preladu ida nia moris, ita-boot sira-nia Bispu dahuluk, Dom Jairo Garcia Robar,  no importánsia ne’ebé nia iha ba Igreja iha Timór,” Reverendismu Monseñor Pe. Daniel Faria Marques haktuir.

Iha semináriu ne’e partisipa husi profesóres sira, direjente sira Ministériu Edukasaun nomós bainaka sira seluk.

Jornalista : Zita Menezes/Editór: Vito Salvadór