CCIS Fó Tratamentu Dentál no Saúde Jerál Ba Labarik Sira iha Palásiu Prezidensiál

Ekipa Care Channels Internasionál Singapura (CCIS) hala’o tratamentu dentál no konsulta saúde jerál ba labarik iha Palásiu Prezidensiál, Sesta 17 Jullu 2026.

Díli, 17  Jullu  2026 (RAFA.TL)-  Ekipa Care Channels Internasionál Singapura (CCIS),  Sesta-ne’e, hala’o tratamentu dentál no konsulta saúde jerál ba labarik sira ne’ebé halibur iha Palásiu Prezidensiál liuhosi programa Kantina Matak, Dapur Prezidente nian ba povu.

Reprezentante Care Channels International Singapura, Professor Shing Chuan Hooi ho ekipa sente kontente tanba bele hetan konvite mai iha Timor-Leste no espesifikú iha  Palásiu Prezidensiál hodi fó tratamentu dentál no saúde jerál ba labarik sira ne’ebé mak presiza.

“Ami kontente tebes atu iha ne’e. Care Channels mak involve iha traballu umanitáriu durante tinan barak, liuhosi tinan  20  iha Timor, no ne’ebé ami halo mak empodera komunidade labarik  iha tinan tolu,  área iha saúde, agrikultura no susténsia moris. Nune’e, ami iha ne’e ona ohin, hanesan parte hosi promovimentu saúde ba labarik sira no ne’ebé ami sei halo ohin mak baziká  halo skrenu labarik ba saúde jerál,” Profesor Shing Chuan Hooi hateten.

Iha fatin hanesan, responsavél Dapur Kantina Matak iha Palásiu Prezidensiál, Bella Galhos hatete, kooperasaun ida-ne’e akontese iha Palásiu Prezidente liuhosi kantina matak Dapur Prezidente nia ba povu nomós unidade empoderamentu ekonomia ne’ebé mak kontinua dezde kedan inisiu iha 2022.

“Ohin, sira fokus ba dentes labarik kiik sira nian halo chek jeral sé karik sira identifiká moras ruma ka saida ruma husi ki’ikoan mak sira chek up sira sei hato’o mai fali iha Palasiu Prezidente liuhosi ha’u rasik hodi haré took saida mak it abele halo atu bele atua tratamentu ruma ne’ebé presiza,” hatete Bella Galhos.

Nia hatutan durante ne’e sira mós kuazé servisu hamutuk ho organizasaun nasionál no internasionál ho ekipa sira ne’ebé mak hakarak mai iha Timor hodi ajuda programa prezidente nian no programa ida-ne’e hala’o ba dala-tolu ona.

Responsavel ne´e hatutan kooperasaun ida-ne’e Care Channels International Singapura mós iha oportunidade seluk  sei servisu hamutuk ho Ministériu relevante sira iha Timor-Leste atu bele realiza mós programa ida-ne’e iha fatin seluk.

Jornalista : Zita Menezes/Editór: Vito Salvadór