Empreza Japaun KANSEI & CWP Global Apoiu Veíkulu Limpeza Saneamentu Modernu Rua Ba Sentru Formasaun Tibar

Empreza Japaun KANSEI & CWP Global, entrega veíkulu limpeza saneamentu modernu rua ba Sentru Formasaun Tibar, Tersa 14 Jullu 2026.

Díli, 14  Jullu  2026 (RAFA.TL)-  Empreza Japaun KANSEI  & CWP Global, Tersa-ne’e, iha Palásiu Prezidensiál, entrega veíkulu limpeza saneamentu modernu rua ba Sentru Formasaun Tibar hodi fasilita servisu sanementu modernu iha  Timor-Leste.

Prezidente empreza KANSEI, Kenji Hasegawa, iha nia diskursu  hatete,   entrega veíkulu  tuir aprosimasaun hanesan, kombina teknolójia sira, treinamentu sira, no propriédade lokál hodi hatán ba nesesidade sira komunidade sira nian.

“Ha’u hein ho laran tomak katak entrega ekipamentu ohin sei uza ho efetivu, katak koñesimentu ne’ebé hatudu ona sei tau abut, no katak parseria ida-ne’e entre KANSEI CWP Global, no CNEFP sei buras nafatin. Husik ha’u konklui hodi kongratula Kansei, CWP Global, CNEFP, no ema hotu ne’ebé kontribui ona ba esforsu importante ida-ne’e,” Prezidente husi empreza KANSEI Kenji Hasegawa hateten.

Diretór Sentru Nasionál Empregu no Formasaun Profisionál,  Jose Simão Tito Barreto, hetan oportunidade hetan apoiu ekipamentu sira ne’ebé ho teknolojia aas, konsegé ba hertan ona introdusaun husi Japaun hodi kontinua  aplikasaun iha Timor-Leste.

Nia subliña utilizasaun teknolojia ekipamentu ho altu kapasidade bele iha nia efisinesia no efikás ho vantajen ba kualidade hodi hasa’e tán iha nivél hijenikú ninian no halo sidade sai moos liután.

Iha fatin hanesan, Vise-Primeiru-Ministru Ministru Koordenadór ba Asuntu Ekónomiku Francisco Kalbuadi Lay lori IX Governu nia naran hato’o agradese ba empreza Japaun KANSEI  ho Governu Japaun ne’ebé oferese ona ekipamentu saneamentu  modernu ba Timor-Leste.

“Esperansa, kooperasaun ne’e sei hala’o barak liu iha futuru, no mós importante tebes ba ekipamentu teknolojiu furak ne’ebé ita fó ba Timor-Leste,” Francisco Kalbuadi Lay hateten.

Iha entrega veíkulu limpeza saneamentu modernu rua ba sentru formasaun Tibar ne’e akompaña direita husi Prezidente Repúblika José Ramos-Horta.

Jornalista : Zita Menezes/Editòr: Vito Salvadór