PPN Suspende Debate Ba Lei Kriminalizasaun Difamasaun no Injuria

PPN Maria Fernanda Lay.

Díli, 13  Jullu  2026 (RAFA.TL)-  Prezidente Parlamentu Nasionál (PPN), Maria Fernanda Lay, Segunda-ne’e, konforma katak Parlamentu Nasionál suspende debate jeneralidade ba lei kriminaliza difamasaun no injúria, tanba sei presiza hadi’a tán norma balu iha lei refere.

Prezidente Parlamentu Nasionál (PPN), Maria Fernanda Lay informa asuntu ne’e ba jornalista sira iha Palásiu Prezidensiál hafoin halo enkontru ho Prezidente Repúblika José Ramos-Horta.

“Suspende tanba to’o ona pPezidente Parlamentu, ha’u haré katak iha paraser iha normas balu ne’ebé la haré ba kontestu lei iha ita nia rai laran. Tanba ne’e, suspende nia debate ba jeneralidade iha plenária Parlamentu Nasionál iha semana kotuk,”  PPN Maria Fernanda Lay hateten.

Maria Fernanda Lay afirma, nia parte ladún lembra artigu ne’ebé mak atu hadi’a, maibé nia parte fó fila ona pareser lei ne’e ba komisaun A trata asuntu Konstituisaun no Lejislasaun hodi hadi’a tuir norma legál ne’ebé Timor-Leste iha.

Maria Fernanda Lay adianta kona-bá kritiká  Prezidente Repúblika nia ba lei kriminaliza difamasaun ne’e kompeténsia Prezidente Repúblika nian, tanba  iha país demokratikú sempre nune´e.

Iha oportunidade ne’e  nia mós  husu sidadaun hotu-hotu katak  molok atu halo kritiká ba ema tenke haré ba direitu sidadaun  ida nian, tanba Timor-Leste  promové mós  diretu umanu.

Jornalista : Zita Menezes/Editór: Vito Salvadór