play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Noticias

Projetu Aeroportu Internasionál Prezidente Nicolau Lobato ho Investimentu Millaun 239 USD Finaliza iha 2028

todayJune 20, 2026 14

Background
share close

Aeroportu Internasionál Prezidente Nicolau Lobato, Díli. Imajen/dok.Repro

Díli, 20 Juñu 2026 (RAFA.TL)- Ministru Transporte no Komunikasaun (MTK) Miguel Marques Gonçalves Manetelu, liu husi Reuniaun  Konsellu-Ministru iha Auditóriu Kay Rala Xanana Gusmão, Ministériu Finansa, Sesta (19/05/2026),  aprezenta progresu servisu dezenvolvimentu no expansaun ba Aeroportu Internasionál Prezidente Nicolau Lobato no tuir kalendáriu katak projetu ne’e sei finaliza iha tinan 2028.

Iha komunikadu imprensa ne’ebé Rafa.tl aseau husi gabinete Primeiru-Ministru informa projetu ne’e dezenvolve iha parseria ho Banku Aziátiku Dezenvolvimentu (ADB), Ajénsia Kooperasaun Internasionál Japaun nian (JICA) no Governu Austrália liuhosi Australian Infrastructure Financing Facility for the Pacific (AIFFP).

Husi projetu ne’e sei halo modernizasaun ba pista, taxiways, área estasionamentu ba aviaun, torre kontrolu, terminal pasajeiru nian no infraestrutura sira apoiu oin-oin, ho investimentu totál revistu maizumenus millaun 239 USD.

Aprezenta mós progresu hosi servisu sira ne’ebé la’o hela, inklui konstrusaun ba taxiways foun, área estasionamentu ba aviaun, estrutura protesaun tasi-ibun nian, no instalasaun téknika sira, no mós dezafiu prinsipál sira relasiona ho disponibilidade terrenu no koordenasaun entre komponente oin-oin hosi projetu ne’e.

Nune’e tuir kalendáriu jerál prevee finalizasaun tuir faze hosi obra sira to’o tinan 2028, hodi bele reforsa kapasidade operasionál no padraun sira seguransa nian ba aeroportu internasionál prinsipál iha nasaun ne’e.

Iha parte seluk, Konsellu Ministru mós análize aprezentasaun husi Diresaun-Jerál Terras no Propriedades kona-bá pontu situasaun hosi prosesu jestaun terrenu no imóveis Estadu nian, ho hanoin atu harii embaixada ba nasaun ASEAN sira balun no halo reabilitasaun ba Aeroportu Internasionál Prezidente Nicolau Lobato.

Informa mós katak indemnizasaun kona-bá rai okupadu ne’ebé presiza ba konstrusaun embaixada sira no reabilitasaun aeroportu internasionál sei finansia liuhosi Fundu Infraestrutura.

Jornalista: Zita Menezes/Editór: Vito Salvadór

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!