Putin Hein Lider Sira Estadu Membru ASEAN Aproveita Ospitalidade Husi Povu Rusia

Prezidente Federasaun Rúsia, Vladimir Putin hato'o benvindu ba membru Estadu ASEAN sira ne'ebé partisipa iha Simeira Rusia-ASEAN 2026.

Díli, 18 Juñu 2026 (RAFA.TL)- Rusia realiza serimónia ofisiál benvindu no resepsaun Estadu hosi Prezidente Federasaun Rusia, Vladimir Putin, Kuarta (17/06/2026), iha Teatru Akadémiku Estadu Galiasgar Kamal Tatar.

Resepsaun estadu ne’e atu fó onra bá xefe delegasaun sira estadu membru ASEAN nian, inklui Primeiru-Ministru Timor-Leste, Kay Rala Xanana Gusmão ne’ebé partisipa iha Simeira Rúsia-ASEAN 2026 ne’ebé hala’o iha Kazan, Rusia durante loron tolu; hahú hosi  loron 17 to’o  loron 19 fulan-Juñu 2026.

Komunikadu ofisiál ne’ebé Rafa.tl asesu haktuir katak Prezidente Rúsia, Vladimir Putin iha nia diskursu fó esperansa ba  líder sira estadu membru ASEAN nian atu  aproveita ospitalidade hosi povu Rusia nian.

“Ha’u hakrak simu dala-ida tan, imi hotu iha Rusia. Ita hasoru-maku iha Kazan, sidade furak no antigun ida ne’ebé reflete diversidade kultural no relijioza ita-nia rain. Ninia patrimoniu istóriku no esperituál  ne’ebériku no iga tempu hanesan ne’e mak sidade boot ida ne’ebé modern, dinamiku no hare ba li’ur.  Ha’u fia katak ita-boot  sei esperénsia ospitalidade atu aprende kona-bá sira-nia tradisaun ne’ebériku tebes,” Vladimir Putin hateten hanesan sita iha komunikadu ofisiál ne’e.

Simeira ne’e hala’o hanesan parte ida hosi selebrasaun sira ne’ebé marka aniversáriu bá dala-35 hosi relasaun sira entre Rusia ho Asosiasaun Nasaun sira Sudeste Aziátiku nian.

Ida-ne’e halibur ona líder sira, xefe governu sira, polítiku sira aas liu no ofisiál Governu nian sira hosi Estadu membru ASEAN  na’in-11.

Kompozisaun distintu hosi partisipante sira hatudu ho klaru kompromisu fahe hosi Rusia no nasaun sira hosi Sudeste Aziátiku nian hodi hametin parseria, hasa’e ba nível foun ida, no habelar liután kooperasaun ne’ebé fó benefísiu ba malu iha polítika no seguransa, ekonomia, komérsiu, investimentu, no interkámbiu kulturál no umanitáriu sira.

Lider Estadu membru ASEAN sira ne’ebé hola parte iha Rusia-ASEAN Summit 2026 mak hanesan Brunei Darusalam, Kamboja, Indonézia, Laos, Malázia, Myanmar, Filipina, Singapura, Tailándia, Timór-Leste no Vietname.

Jornalista: Remigia Locatelli/Editór: Vito Salvadór