ANÚNSIU REKRUTAMENTU BA RAFA FM HO NTV

RAFA FM no NTV anúnsiu ba públiku lançamentu concurso ba rekrutamentu profisionál sira ne’ebé
atu haforsa área redasaun no programasaun ba rádio, televizaun no online, nune’e mós apóiu
linguístiku, iha ámbitu dezenvolvimentu projetu mídia rua ne’e iha Timor-Leste.

Prosesu rekrutamentu ne’e iha objetivu atu selesiona profisionál sira ho kompeténsia téknika, sentidu
responsabilidade, esperiénsia relevante iha kontextu mídia no kapasidade atu kontribui ba padraun
aas iha qualidade editoriál, téknika no operasionál.
Kargu sira iha konkursu – ema 32
Televizaun: Gestór Equipamentu; Graphic Designer (Vídeo); Operadór Iluminasaun;
Realizadór/Produtór; Operadór Switcher; Operadór Teleprompter/Orákulu; Editór Vídeo.
Rádio: Locutór; Editór Áudio.
Redasaun/Programasaun: Jornalista Jerál; Jornalista Língua Portugés; Jornalista Desportu; Espesialista Redes Sosiais; Operadór Kámara; Operadór Kámara no Drone; Tradutór tétum-portugés-
tétum, ho preferénsia iha kapasidade adisionál tétum-inglés-tétum

Rekizitu jerál
• Formasaun akadémika no/ka tékniku-profisionál ne’ebé adekuadu ba kargu ne’ebé ita kandidata.
• Esperiénsia profisionál relevante, liu-liu iha rádio, televizaun, produsaun audiovizual, jornalizmu
ka komunikasaun.
• Kapasidade servisu iha ekipa, organizasaun, pontualidade no kumprimentu prazu.
• Disponibilidade ba oras flexível, servisu turnu no kobertura eventu, bainhira aplika.
• Étika profisionál, sentidu responsabilidade, kapasidade adaptasaun no respeitu ba orientasaun
editoriál no operasionál.

Rekizitu linguístiku espesífiku
• Ba kargu jornalístiku sira, sei fó vantajen ba kandidatu sira ho dominíu tétum no portugés, no inglês
hanesan valór adisionál.
• Ba pozisaun rua Jornalista Língua Portugés, dominíu portugés hakerek no ko’alia tenke ho
kualidade aas, bele teste liu husi prova hakerek, prova ko’alia no entrevista.
• Ba kargu tradutór, sei valoriza liu kapasidade provadu ba tradusaun entre tetum no portugés, no
idealmente mós tetum no inglês.

Dokumentu kandidatura
• Karta motivasaun ho indikasaun klara ba kargu ne’ebé kandidata.
• Curriculum vitae atualizadu.
• Kopia dokumentu identifikasaun válidu.
• Kopia diploma, sertifikadu no prova formasaun relevante sira.
• Portefóliu, showreel, demo voz, amostra hakerek ka exemplu servisu, bainhira aplika.
• Referénsia profisionál, bainhira iha.
• Ba kargu Operadór Kámara no Drone: prova lisensiamentu/sertifikasaun no autorizasaun legál sira
ne’ebé presiza, bainhira aplika.

Forma no prazu submisaun
• Kandidatura sira tenke submete to’o 30 Abril 2026, ba email: recrutamento@etomais.com 
• Iha assunto email tenke hakerek: “Kandidatura – [Indika kargu]”.
• Só kandidatura sira ne’ebé kompletu no aprezenta iha tempu ne’ebé estabelese mak sei konsidera.
Métodu selesaun
• selesaun dokumentu sira
• Avaliasaun kurríkulu no análize portefóliu/amostra servisu, bainhira aplika.
• Prova téknika, prátika, hakerek, linguístika ka voz, depende ba kargu.
• Entrevista individual.
• Verifikasaun referénsia, bainhira presiza.
Rezerva no dispozisaun finál
• Entidade promotora rezerva direitu atu la prienxe vaga ida ka liu se perfil sira ne’ebé aprezenta la
tuir rekizitu no padraun ne’ebé hakarak.
• Publikasaun anúnsiu ida-ne’e la fó direitu automátika ba kontratasaun.
• Termu espesífiku kontratasaun, durasaun, remunerasaun iha inísiu funsaun sei komunikadu ba
kandidatu selesionadu iha faze tuir mai.
Kargu tékniku no operasaun (equipamentu, iluminasaun, switcher, kámara, drone, edisaun)
• Sei valoriza esperiénsia provadu iha ambiente rádio no televizaun.
• Sei ezije demonstrasaun prática domíniu ekipamentu no workflow produsaun.
• Sei konsidera disponibilidade ba servisu iha exterior no oras variavel.
Kargu kriativu no produsaun (design, realizasaun/produsaun, redes sociais)
• Sei valoriza portefóliu konsistente no kapasidade ezekusaun ho lalais no koerénsia editorial.
• Sei avalia komprensaun narrativas, identidade vizual, planeamentu no adaptasaun multiplataforma.
• Sei konsidera inovasaun, kapasidade koordinasaun no kultura kolaborasaun.

Kargu voz, jornalizmu no tradusaun
• Sei fó importánsia espesial ba kualidade espresaun oral no hakerek.
• Sei valoriza domíniu tetum no portugés; inglés konsidera fatór adisionál diferensiasaun pertinente.
• Ba Jornalista Língua Portugés, korresaun no kualidade portugés iha valór determinante.

Ba informasaun klaru liután bele kontaktu ba númeru telemovel 78411111 no e-mail: recrutamento@etomais.com

Atu konsultar termus referénsia no informasaun sira seluk, vizita:https://drive.google.com/drive/folders/1JCxoYuDfgwwQ6ouaDtEv7xOVGy730Wsv?usp=drive_link