ADB Prevé Kresimentu Ekonomia Timor-Leste Sólidu no Projeta Aumenta Ho Média 4,0% Ba 2026 – 2027

ADB Autlook April 2026

Díli, 10 Abríl 2026 (RAFA.tl)- Banku Dezenvolvimentu Aziátiku (ADB, sigla inglés), prevé kresimentu ekonomiku Timor-Leste nia sólidu, ho ekonomia ne’ebé projeta atu aumenta ho média 4,0% ba tinan 2026 no 2027, rezulta husi konsumu privadu, investimentu públiku no privadu, no ho espetativa kresimentu jerál ne’ebé pozitivu.

Iha relatóriu ekonómiku prinsipál, Asian Development Outlook (ADO) Abríl 2020, ADB prevé kresimentu sólidu iha 3.8% iha 2026 molok aselera ba 4.1% iha 2027 iha estabilizasaun inisiál ida husi konflitu iha Médiu Oriente, tanba ne’e previzaun hirak ne’e seidauk klaru lolós, demanda doméstiku ne’ebé maka’as, ne’ebé influénsia husi gastu públiku ba projetu kapitál sira, transferénsia, sasán no servisu sira, inklui empréstimu bankáriu sira no influénsia sira husi remessa sira no chegada turista sira, sei kontinua apóia kresimentu ekonómiku.

“Integrasaun ASEAN ne’ebé kle’an liu-suporta ho reforma sira iha rai-laran-sei haforsa kresimentu Timor-Leste nian iha tinan hirak oin mai liu husi atrai Investidór no hasa’e komérsiu, tuir Country Director ADB ba Timor-Leste, Stefania Dina. “Liu husi implementasaun akordu ekonómiku ASEAN nian, aselerasaun reforma sira, no apóiu ba negósiu ki’ik no médiu sira ho programa investimentu no komérsiu neʼebé estratéjiku, Timor-Leste bele harí setór privadu ida-ne’ebé forte liu no kria oportunidade barak liután ba nia povu.” Sita husi komunikadu ADB, Sesta (10/04/2026).

Inflasaun prevé atu aumenta gradualmente, ho média 1.9% iha 2026-2027, rezulta husi folin importasaun ne’ebé aas liután. Défise de konta agora dau-daun nian projeta atu aumenta tan, liu-liu tanba nível importasaun sira-ne’ebé sa’e liután.

Risku sira ba perspetiva kresimentu Timor-Leste nian prinsipalmente mosu husi konflitu iha Médiu Oriente, ne’ebé bele mantein folin mina-rai internasionál aas. Ida-ne’e sei hasa’e kustu ba kombustível importadu no sasán sira seluk, intensifika presaun inflasionáriu sira no limita kresimentu ekonómiku.

Vulnerabilidade adisionál sira bele mosu husi dezastre sira-neʼebé kauza husi perigu naturál sira no implementasaun nei-neik husi projetu sira investimentu kapitál públiku nian.

ADB mak banku dezenvolvimentu multilaterál ida-ne’ebé suportac dezenvolvimentu sustentável, inkluzivu, no reziliente iha Ázia no Pasífiku tomak. ADB servisu hamutuk ho nia membru no parseiru sira hodi rezolve dezafiu kompleksu sira hamutuk, no ADB mós utiliza instrumentu finanseira inovativu no parseria estratéjiku sira hodi transforma moris, no harí infraestrutura ho kualidade, no salvaguarda ita nia planeta, harí iha tinan 1966. ADB partense husi membru 69-50 husi rejiaun ida-ne’e.

Jornalista: Marito da Costa/Editór: Vito Salvadór