Ministru Interiór Francisco Guterres Garante Komisáriu Asistente Afonso ho Natércia Martins Hadia PNTL

Ministru Interiór, Francisco da Costa Guterres. Imajen/Rafa.tl

DÍLI, RAFA.tl – Ministru Interiór (MI), Francisco da Costa Guterres, garante Komandante Jerál Polísia Nasionál Timor-Leste (PNTL), Afonso dos Santos no Segundu Komandante Jerál Komisária Asistente Natercia Eufrásia Soares Martins, sei halo mudansa no hadi’a instituisaun PNTL.

Notísia Relevante: Koñese Kle’an Komisáriu-Asistente Afonso dos Santos ho Natércia Martins Nu’udár Komandante Jerál ho Segundu Komandante Jerál PNTL Períodu 2026-2029

Ministru Interiór Francisco da Costa Guterres ba Jornalista sira bainhira remata reuniaun Konsellu Ministru iha Palásiu Governu, Kuarta (25/03/2026), afirma Koamdante Jerál PNTL foun nain-rua ne’e sei halo mudansa no hadi’a instituisaun PNTL hodi serbí povu tuir lei no ordem. Tamba iha irarkia no estatuta PNTL nia hateten momos katak Komandante Jerál ho sSgundu Komandante Jerál kompleta malu, katak  ida haré liubá kestaun operasionál, no  ida mai para halo reforma institusional.

“Ita haré katak Afonso dos Santos iha esperiénsia iha Komandu PNTL kleur (antiguidade) tanba ne’e mak nia haré liubá kestaun operasionál, haré liubá fronteira, operasaun espesiál, Polisiamentu Komunitáriu. Komsáira-Asistente Natercia Eufrásia Soares Martins haré liubá kestaun reforma institusionál no halo diagnistiku oktistiku, disiplina, inspesaun ba uzu arma, no sira seluk tan atu ita kuriji no hadi’a ba buat hotu-hotu iha PNTL,”  Francisco da Costa Guterres esplika.

Ministru Interiór subliña iha artigu 47-48 estatutu PNTL dehan Komadante Jerál ne’e bele monu ba iha Komisariu Asitente ida, tanba ne’e mak nomea Komandante Jeral PNTL foun,  Komisáriu-Asistente Afonso dos Santos ho segundu Komandante Jeral  Komisária-Asistente Natercia Eufrásia Soares Martins.

Reportajen ekipa Rafa.tl