Nain Feto F.C Manán Kulugisa F.C ho Skor 16-0, Siti Retno Sari Halo Quintrick

Ekipa Nain Feto F.C. Imajen/Rafa.tl

DÍLI, RAFA.tl- Iha jogu kontinuasaun Liga Timorense Futeból Femenino, jornada 17, jogadora Siti Retno Sari, marka Quintrick no lori nia  ekipa Nain Feto F.C halakon sira-nia adversáriu Kulugisa F.C ho skor 16-0.

Lee Mós: Liga Timorense Futeból Femenino, A.D S.L.B Laulara Vs Buibere F.C Empata 2-2

Jogu Femenino entre Ekipa Nain Feto F.C ho Kulugisa F.C ne’ebé hala’o iha kampu Federasaun Futeból Timor-Leste (FFTL), Kinta, (12/03/2026), ekipa rua hahú jogu ho animu, maibé Nain Feto F.C hatudu kedas superioridade hodi domina bola iha minutu uluk.

Jogu foin tama ba minutu 7, jogadora Nain Feto F.C, Siti Retno Sari marka uluk ona golu ida ba nia ekipa. Liu deit minutu rua no tama ba minutu 9, jogadora Anisya Widyawati marka tán golu ida ba nia ekipa hodi muda skor ba 2-0.

Nain Feto F.C kontinua mantein lidera jogu ne’e, no tama ba minutu 13 jogadora Anisya Widyawati marka tán golu ida hodi muda skor ba 3-0.

Hakat ba minutu 15, jogadora Siti Retno Sari marka tán golu ida hodi tongka sira-nia  skor ba 4-0.

Molok jogu primeira parte termina, ekipa Nain Feto F.C kontinua aumenta golu liu husi jogadra Siti Reno Sari, Windows Puspita no Anisya Widyawati, hodi muda skor ba 9-0.

Iha jogu segunda parte, ekipa Kulugisa F.C halo esforsu hodi buka halo balansu ba jogu. Nune’e, aproveita oportunidade  atu marka golu, maibé sei falla.

Ekipa Nain Feto F.C mantein nia estratejia no aumenta liután intensidade jogu hodi  kontinua marka golu barak ba adversáriu.

Tama ba minutu 46, ekipa Nain Feto F.C kontinua marka tan golu liu husi jogadora Hermínio da Costa.  Nune’e mós tama ba minitu 54, jogadora Marcia Chaves marka golu ida hodi muda skor ba 11-0.

Nain Feto F.C kontinua domina bola no halo jogu barak liu hodi lansa atake ba ba ekipa Kulugisa F.C no  husi atake sira ne’ebé iha, Nain Feto F.C kontinua prodús tán golu liu husi jogadra Ellen Tria Ferlika, Siti Retno Sari, Terezinha Mesquita, Mizia Babo no Rivania Neno hodi muda skor ba 16-0.

Ho derrota ne’e, ekipa Kulugisa F.C mantein hela iha zona okos tabela klasifikasaun Liga Timorense Futeból Femenino.

Tuir orariu jogu Liga Timorense Futeból Femenino, Sesta (13/03/2026), tuku 16:00 Otl, ekipa Academika F.C  kontra Maranatha F.C iha kampu FFTL.

Reportajen ekipa Rafa.tl