ANC Delibera no Aprova Empreza ETO Group Nia Akizasaun Asaun 57,06% iha Timor Telecom S.A.

Komunikadu imprensa ANC. Imajen/Repro

DILI, RAFA.tl- Konsellu Administrasaun Autoridade Nasionál Komunikasaun (ANC, sigla portugés) liu husi enkontru, Segunda (23/02/2026), halo deliberasaun hodi aprova empreza nasionál  Esperança Timor Oan Group (ETO, Lda) nia akizasaun asaun 57,06%  ba Timor Telecom S.A.

Iha komunikadu imprensa ne’ebé  Rafa.tl asesu husi pajina ofisiál ANC, Tersa (24/02/2026), liu husi karta ho Nú. Ref.: 01/KI-ANC/II/2026, hateten, hafoin halo observasaun, análize no avaliasaun bazeia ba lejizlasaun no regulamentu komplementár aplikável, Konsellu Administrasaun Autoridade Nasionál Komunikasaun- ANC, halo deliberasaun hodi aprova:

1. Empreza Esperança Timor Oan-ETO, Lda halo akizasaun asaun 57,06% hosi Timor Telecom S.A.
2. Enkuantu ETO, Lda halo tranzasaun akizasaun asaun Timor Telecom S.A. kompletu, ETO, Lda maka iha poder maioria asionista iha kontrola Timor Telecom S.A.
3. Enkontru Konsellu Administrasaun lidera hosi Prezidente ANC, Flávio Cardoso Neves.

Deliberasaun kona-bá aprovasaun ba ETO, Lda hodi halo akizasaun asaun Timor Telecom S.A. hahú vigór iha Dili,  Segunda-feira, 23 Fevereiru 2026.

Reportajen ekipa Rafa.tl