play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Noticias

HNGV Rejista Kazu Dengue 245 no Na’in-haat Lakon Vida

todayJanuary 27, 2026 110 11

Background
share close

Família sira hein sira-nia oan ne'ebé sofre moras dengue baixa iha HNGV, Díli. Imajen/Rafa.tl

DILI, RAFA.tl – Hahú iha fulan-Janeiru, tinan ne’e, Ospitál Nasionál Guido Valadares (HNGV)  rejista kazu dengue hamutuk 245.  Husi númeru ne’e, na’in-haat lakon vida, kompostu husi feto na’in-tolu no mane ida.

Diretór Servisu Apóiu Diagnóstiku Terapéutika HNGV, Vidal de Jesus Lopes, ba jornalista sira iha nia servisu fatin HNGV, Tersa (27/01/2026) hatete,  iha fulan-Janeiru ne’e HNGV rejista pasiente ho moras dengue hamutuk 245 ne’ebé maioria husi Díli, inklui pasiente sira husi munisípiu, liu-liu mai husi ospitál referál sira.

“Agora iha kazu dengue ne’ebé mak husi loron 01 to’o loron 27 fulan-Janeiru 2026 totál kazu dengue ne’ebé mak baixa iha ospitál ne’e hamutuk 245, husi ne’e na’in-haat mak mate, sira ida mate ne’e ho idade pediatria, labarik de’it husi idade 5 to’o 9 anos. Pasiente sira-ne’e maioria husi Díli laran, sentru saúde, no balun husi ospitál referál sira husi munisípiu hanesan husi Baucau, Ainaro (Maubisse), no mós husi Bobonaro (Maliana),” Diretór Servisu Apóiu Diagnóstiku Terapéutika HNGV, Vidal de Jesus Lopes informa.

Diretór ne’e hatutan, dalabarak pasiente moras dengue mai ospitál labele salva, tanba pasiente hirak ne’e kuaze  iha mós moras kumplikadu ruma.

Nia esplika, dengue ne’e iha maligna dengue, moderadu, dengue sefalite, no dengue hemorazica ne’ebé dengue duni, maibé nia komesa ona produs hemoragia ho ran sai husi ibun, inus, sintina ran, muta ran, ran sai barak halo tensaun tun, kuandu la responde ho soru-been halo di’ak, pasiente bele mate.

“Dalabarak pasiente sira mai ho kondisaun ne’ebé kumplikadu, ai-moruk konsumaves  provizoriamente la’o di’ak, oinsá sustenta funsionamentu hodi asegura kualidade atendimentu ba profesionál saúde sira bainhira utiliza medikamentu ho konsumável hodi fornese ba pasiente sira ne’ebé presiza, maske daudaun ne’e rekursu iha limitasaun barak, maibé ami esforsu atu masimiza rekursu ne’ebé mak iha,” Vidal de Jesus Lopes hateten.

Tuir observasaun Rafa.tl iha sala pediatria HNGV, nakonu ho labarik ne’ebé afetadu moras dengue, inklui adultu balun.

Reportajen Ekipa Rafa.tl

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!